Dintwa tšeo di diregago lefaseng ka moka, di a senya e bile di dira gore batho ba bantšhi ba šale ba e kwa bohloko le go tlaišega. E kwa dipego tše di latelago:

•   “Ngwageng wa go feta go hlokofetše batho ba bantšhi kudu ka baka la dintwa go feta mengwageng ka moka ya ka morago ga 1994. Bontšhi bja batho bao ba hlokofetšego ke ba naga ya Ethiopia le ya Ukraine.”—Peace Research Institute Oslo, 7 June 2023.

•   “Ntwa yeo e lego Ukraine e no ba e nngwe ya dintwa tšeo di ilego tša mpefala ka 2022. Lefaseng ka moka dintwa tšeo di bakwago ke dipolotiki di ile tša golela godimo ka diphesente tše 27 ngwageng wa go feta, e bile batho ba e ka bago ba 1.7 bilione ba ile ba ama ke dintwa tše.”— The Armed Conflict Location & Event Data Project (ACLED), 8 February 2023.

 Beibele e re nea kholofelo. E re “Modimo wa legodimo o tla hloma mmušo wo o ka se kego wa fedišwa.” (Daniele 2:44) Ge mmušo wo o tla be o buša, Modimo o tla “fediša dintwa lefaseng ka moka.”—Psalme 46:9.