O laletšwa go ba Gona Sebokeng sa Bohlokwa Kudu sa Ngwaga!

Ka Labone, March 24, 2005, go tla ba le tiragalo yeo o ka se kego wa rata go e foša. Leo ke letšatši leo ka lona Dihlatse tša Jehofa tše fetago dimilione tše tshela lefaseng ka bophara gotee le bagwera ba tšona ba dimilione, di tlago go kopana go tla go gopola sejo sa mantšiboa sa mafelelo seo Jesu a se jelego le barutiwa ba gagwe. Ka go dumelelana le ditaelo tša Jesu, sebokeng se sengwe le se sengwe go tla fetišwa senkgwa se se nago komelo le beine e khwibidu gomme go tla hlaloswa seo se bolelwago ke tiragalo ye.—Mareka 14:22-24.

Batho ba bantši ba tseba tiragalo ye e le Selalelo sa Morena goba Sejo sa Morena sa Mantšiboa. Dihlatse tša Jehofa di e bitša Segopotšo sa lehu la Kriste. Ke kgopotšo ya bohlokwa ya sehlabelo seo Jesu Kriste a se dirilego bakeng sa batho ba badiradibe ge a be a e-hwa. (Johane 3:16; 1 Johane 2:2) Ka morago ga dijo tša gagwe tša mafelelo, Jesu o ile a swarwa gomme ka morago a hwela koteng bjalo ka ge eka e be e le sesenyi.—Johane 19:17, 18.

O tla amogelwa ka borutho sebokeng se se kgethegilego le sa bohlokwa kudu almanakeng ya ngwaga le ngwaga ya Dihlatse tša Jehofa. Hle botšiša Holong ya Mmušo ya lefelong la geno mabapi le nako ya maleba le lefelo leo se tla swarelwago go lona tikologong ya geno.