Basetsana ba bangwe ba babedi ba be ba sepela toropong e nngwe kua Philippines. Ba ile ba bona teroli ya rena ya dikgatišo eupša ga se ba ka ba e batamela. Kgaetšedi Helen yo a bego a eme kgauswi le teroli yeo, o ile a ba semaelela. Ba ile ba no feta eupša ba ile ba kgahlwa ke semaele sa Helen.

Ge basetsana bao ba be le ka peseng ba boela gae, ba ile ba bona leswao le legolo la jw.org Holong ya Mmušo. Ba ile ba gopola gore leswao leo le swana le leo le bego le le godimo ga teroli ya rena ya dikgatišo. Ba ile ba fologa pese gore ba lebelele lenaneo leo le bego le bontšha gore diboka di tsena neng, leo le bego le le keiteng ya Holo ya Mmušo.

Basetsana bao ba ile ba ya dibokeng Holong yeo. Ge ba tsena ka Holong, ba ile ba bona Helen. Ba ile ba gopola gore ke mosadi yola a ilego a ba semaelela. Helen o re: “Ge basetsana bao ba be ba mpatamela, ke ile ka tšhoganyana ka ipotšiša gore ke sentše eng.” Eupša basetsana bao ba ile ba botša Helene gore ba mo tsebela kae.

Basetsana bao ba ile ba thabela diboka. Ba ile ba ikwa ba le gae ga mahlaku. Ge ba bona ba bangwe ba hlwekiša ka morago ga diboka, le bona ba ile ba kgopela go thuša. Yo mongwe wa bona ga a sa dula Philippines eupša yo mongwe o ba gona dibokeng ka mehla e bile o thomile go ithuta Beibele. Dilo tše ka moka di diragetše feela ka baka la semaele.