Batho ba bangwe ba dumela . . . 

gore ke go fedišwa ga lefase ka moka ka dibetša tša nuclear goba go senywa ga tikologo. Wena o nagana eng?

Seo Beibele e se bolelago

Haramagedone ke lefelo la seswantšhetšo la “[ntwa] ya letšatši le legolo la Modimo Ramatlaohle,” leo go lona a lwago le batho ba babe.—Kutollo 16:14, 16.

Ke eng se sengwe seo re ka ithutago sona ka Beibeleng?

• Modimo o lwa ntwa ya Haramagedone e sego gore a senye lefase eupša gore a le šireletše go bao ba le senyago.—Kutollo 11:18.

• Ntwa ya Haramagedone e tlo fediša dintwa ka moka.—Psalme 46:8, 9.

Na o ka re . . . 

• Ee?

• Aowa?

• Mohlomongwe?

Seo Beibele e se bolelago

“Lešaba le legolo” la batho ba tšwago ditšhabeng ka moka le tlo phologa ‘masetlapelo a magolo’ ao a tlo felago ka ntwa ya Haramagedone.—Kutollo 7:9, 14.

Ke eng se sengwe seo re ka ithutago sona ka Beibeleng?

• Modimo o duma ge batho ba bantši ba ka phologa Haramagedone. O tlo gapeletšega go fediša batho ba babe ka ge a tla be a se na kgetho.—Hesekiele 18:32.

• Beibele e re botša seo re swanetšego go se dira e le gore re phologe Haramagedone.—Tsefanya 2:3.