O KA THUŠWA KE ENG GE O NA LE STRESS?
Na go a Kgonega go Phela Ntle le Stress?
Ee, go kgonega. Keletšo e botse ya ka Beibeleng e ka re thuša gore re pheme stress seo se sa hlokagalego. Rena ka borena re ka se kgone go fediša dilo tšeo di re bakelago stress. Eupša Modimo wa rena a ka di fediša. E bile o kgethile motho yoo a tlago go re thuša. Motho yoo ke Jesu Kriste. Ge Jesu a be a le mo lefaseng, o ile a direla batho dilo tše dibotse. Eupša nakong e tlago, o tlo di dira lefaseng ka moka. Dilo tšeo ke dife?
JESU O TLO FODIŠA BALWETŠI GO ETŠA GE A ILE A DIRA BJALO.
MATEO 4:24 e re: ‘Ba mo tlišetša ka moka bao ba bego ba sa ipshine, ba tlaišwa ke malwetši a fapafapanego, a ba fodiša.’
JESU O TLO NEA BATHO KA MOKA DINTLO LE DIJO.
JESAYA 65:21, 22 e re: “[Bao ba tlago go bušwa ke Jesu Kriste] ba tla aga dintlo ba dula go tšona; ba tla bjala dirapa tša merara ba ja dienywa tša tšona. Ba ka se ke ba aga gwa dula o šele; ba ka se ke ba bjala gwa ja o šele.”
JESU O TLO DIRA GORE MO LEFASENG GO BE LE KHUTŠO.
PSALME 72:7-9 e re: “Mehleng ya gagwe moloki o tla atlega, le khutšo e tla ata go fihla kgwedi e sa hlwe e le gona. O tla ba le balata go tloga lewatleng le lengwe go ya go le lengwe le go tloga Nokeng go ya magomong a lefase. . . . Manaba a gagwe a tla latswa lerole.”
JESU O TLO FEDIŠA GO HLOKA TOKA.
PSALME 72:13, 14 e re: “O tla kwela mmotlana le modiidi bohloko, o tla phološa meoya ya badiidi. O tla lopolla moya wa bona kgatelelong le bošorong, gomme madi a bona e tla ba a bohlokwa mahlong a gagwe.”
JESU O TLO FEDIŠA MATHATA LE LEHU.
KUTOLLO 21:4 e re: “[Modimo ] o tla phumola megokgo ka moka mahlong a bona gomme lehu le ka se hlwe le sa ba gona, le ge e le manyami goba sello goba bohloko di ka se hlwe di sa ba gona.”
You May Also Like
DIPOTŠIŠO TŠA BEIBELE DI A ARABJA
Mmušo wa Modimo o tla Phetha Eng?
Ithute seo o ka se letelago ge mmušo wa Modimo o tla be o buša lefase.
