O KA THUŠWA KE ENG GE O NA LE STRESS?
Na o na le Stress?
Jill a o re: “Motho yo mongwe le yo mongwe o na le stress (ke gore, kgateletšego ya monagano) ka tsela e itšego, eupša nna yena ke gateletšegile kudu. Stress sa ka ga se sa bakwa feela ke bothata bjo tee bjo bogolo, eupša se bakilwe ke dilo tše dintši. Se bakilwe ke mathata le go fetša mengwaga e mentši ke hlokomela monna wa ka yo a bego a babja mmeleng le monaganong.”
Barry o re: “Mosadi wa ka o ntlogetše, ka swanelwa ke go šala ke godiša bana ba rena ba babedi ke nnoši. Go be go le thata. Godimo ga moo, ke ile ka felelwa ke mošomo e bile ke be ke se na tšhelete ya go lokiša koloi. Ke be ke sa tsebe gore ke direng. Ke be ke gateletšegile kudu. Ke be tseba gore go ipolaya ke sebe, ka gona ke ile ka kgopela Modimo gore a ntlogele ke hwe.”
Go swana le Jill le Barry, na le wena o fela o eba le stress? Ge e ba go le bjalo, eka dihlogo tše di latelago di ka go homotša le go go thuša. Di bolela ka dilo tšeo di bakago stress, ditlamorago tša stress le dilo tšeo re ka di dirago go fokotša stress.
a Maina a fetotšwe.
You May Also Like
MOROKAMI
Dipelaelo di Gohle!
Dinyakišišo di bontšha gore gaešita le go belaela ganyenyane go oketša kgonagalo ya gore motho a hwe go sa letelwa. O ka lebeletšana bjang le boemo?
PHAFOGA!
Tlhohlo: Maikwelo a Fošagetšego
Na o ikwa o imetšwe ke dipelaelo, kgalefo le go nyama? Ditšhišinyo tše di šomago di ka go thuša go lebeletšana le dilo tše bjalo.
