Beibele Ere: Modimo o dirile dilo tše dibotse “ka go le nea dipula go tšwa legodimong le dihla tše di enywago, a khoriša dipelo tša lena ka mo go feletšego ka dijo le lethabo.”—Ditiro 14:17.

Seo e se bolelago: Dilo ka moka tšeo re di thabelago gotšwa tlholong ke mpho e tšwago go Mmopi. O tla leboga dimpho tšeo kudukudu ge o se no hwetša gore Monei wa dimpho tšeo o na le taba le wena.

Beibele Ere: “Wena o tla lemoga toko, toka le go botega, wa lemoga tsela ka moka ya go loka.”—Diema 2:9.

Seo e se bolelago: Bjalo ka Mmopi, Modimo wa tseba gore o hloka eng gore o thabe. Ge o bala Beibele o tlo ithuta ka dilo tše di ntši tšeo di ka go thušago mo bophelong.

Beibele Ere: “O tla ba le tsebo ka ga Modimo”.”—Diema 2:5.

Seo e se bolelago: Go tseba gore go na le Mmopi, go tlo go thuša gore o hwetše dikarabo tša dipotšišo tše bohlokwa tše bjalo ka tšeo dirego: Re phelela eng? Ke ka baka la eng re tlaišega? Go direga eng ka rena ge re ehwa? Beibele e ka go ne ya dikarabo tše di kgotsofatšago tša dipotšišo tše.

Beibele Ere: “‘Nna ke tseba gabotse menagano yeo ke e naganago ka lena, o re’alo Jehofa, e lego menagano ya khutšo, e sego ya bošula, gore ke le nee bokamoso le kholofelo.’”—Jeremia 29:11

Seo e se bolelago: Modimo o re tshepiša gore nakong e tlago o tlo fediša dilo tše mpe, tlaišego le lehu. Ge o tshepa dilo tšeo Modimo a re tshepišago tšona , kholofelo ya gago ka bokamoso e tlo go thuša gore o lebeletšane le mathata a letšatši le letšatši ka sebete.