Lengwalo la Bohlatse la Tlhompho

SE KE seo Association of Congolese and African Journalists for the Development (AJOCAD) ya Democratic Republic of Congo e se neago bakeng sa go “putsa batho goba mekgatlo ya tša leago yeo e itlhaolago e fapane ka go tsenya letsogo tlhabologong ya [Congo].”

Ka November 17, 2000, Lengwalo la Bohlatse la Tlhompho le ile la newa Dihlatse tša Jehofa bakeng sa “go tsenya ga tšona letsogo tlhabologong ya motho yo mongwe le yo mongwe wa Congo [ka] thuto yeo e hwetšwago ka gare ga dikgatišo tša tšona.”

Ge e be e hlalosa ka mpho ye, kuranta ya Kinshasa e lego Le Phare e itše: “Go thata go ka hwetša modudi wa Congo yo a sa kago a ba le dimakasine tša Morokami le Phafoga! goba dikgatišo tše dingwe tšeo di gatišitšwego ke Dihlatse tša Jehofa. Dimakasine tše di [ahla-ahla] dibopego ka moka tša bophelo.” Kuranta gape e ile ya bontšha gore dikgatišo di laetša “kamoo go ka swaraganwago ka gona le mathata a lehono ka katlego” gomme di šupa go “seo se bolelwago e le ka kgonthe ke ditiragalo tša morago bjale.” Tokollo e nngwe le e nngwe ya Phafoga! “e kgomarela boema-gare ditabeng tša bopolitiki gomme ga e phagamiše morafe o mongwe ka godimo ga o mongwe.” Ka mo go oketšegilego, dikgatišo tšeo di aga “kholofelo kholofetšong ya Mmopi ya go holofetša lefase la khutšo le polokego leo le lego kgaufsi le go tšeela tshepedišo ya gona bjale e kgopo ya dilo le ya go hloka molao legato.”

Bjale ka ge AJOCAD e boletše, dikgatišo tša Dihlatse tša Jehofa di ipontšhitše e le tše holago go karolo e kgolo ya badudi ba Congo. Ka ge di hwetšagala ka maleme a makgolo, molaetša wa tšona o neago kholofelo e ka ba o holago le go wena ka mo go swanago.

Hle lebelela ka mo tlase o bone kamoo di ka go holago ka gona.