Ba Diriša Leina la Modimo Bogareng bja Afrika

KAROLO e kgolo ya batho ba Bogareng bja Afrika e dumela go Modimo. Ga ba na pelaelo ya gore ke yena Mmopi wa dilo ka moka. (Kutollo 4:​11) Lega go le bjalo, ka go swana le batho ba bantši kae le kae, gantši ba hlokomologa leina la gagwe le le mo hlaolago​—e lego Jehofa.

Batho ba lego Bogareng bja Afrika, gotee le bao ba lego dikarolong tše dingwe tša lefase, ba šupa leineng la Modimo Thapelong ya Morena ge ba re, “Leina la xaxo a le kxêthwê.” (Mateo 6:9) Eupša ba sego kae ba be ba tseba leina leo ka nako e telele. Lega go le bjalo, go theoša le nywaga, modiro o mafolofolo wa boboledi wa Dihlatse tša Jehofa o fetošitše boemo bja kgopolo bja batho mabapi le go dirišwa ga leina la Modimo. Lehono, leina la Modimo le tsebja ka gohle gomme le amogelwa malemeng a mantši a se-Afrika, a bjalo ka se-Zulu (uJehova), se-Yoruba (Jehofah), se-Xhosa (uYehova) le se-Swahili (Yehova). Lega go le bjalo, diphetolelo tše dintši tša Beibele tša maleme a di sa dutše di phema go diriša leina la Modimo.

Phetolelo e botse e dirišago leina la Modimo ke Beibele ya se-Zande, e lego leleme leo le bolelwago dikarolong tša Repabliking ya Bogareng bja Afrika, Sudan le Democratic Republic of Congo. Karolong yeo ya lefase, batho ba diriša leina la Modimo, ba le peleta ka gore Yekova ka segagabo bona. Go sa šetšwe kamoo leina la Modimo le tšweletšwago ka gona lelemeng leo le tlwaelegilego, go bohlokwa go le diriša. Ka baka la’ng? Ka gobane “ba xo tlo phološwa ké ba ba bitšaxo ’ina la Morêna.”​—Ba-Roma 10:13.

[Lepokisi/​Seswantšho go letlakala 32]

(Bakeng sa mongwalo o beakantšwego ka mokgwa wa kgatišo, bona kgatišo ka boyona)

SUDAN

REPABLIKI YA AFRIKA BOGARE

DEMOCRATIC REPUBLIC OF CONGO

[Mothopo]

The Complete Encyclopedia of Illustration/​J. G. Heck