Taletšo . . .

Na Modimo o sa Dutše a Laola Dilo?

DIKOTSI tša tlhago, malwetši a bolayago, go se botege ga batho bao ba lego maemong a taolo, ditlhaselo tša botšhošetši, dintwa le bosenyi. Letšatši ga le fete re se ra kwa ditaba tša mohuta wo. Go sa šetšwe ge e ba dilo tše di ile tša go kgoma ka go lebanya goba go se bjalo, se se ka dira gore o ipotšiše gore na lefase le lebile kae le gore na maemo a tla ka a kaonefala.

Bakeng sa go ahla-ahla dipotšišo tše bjalo, Dihlatse tša Jehofa dinageng tše di fetago 200 lefaseng ka moka di tla be di na le polelo ya phatlalatša yeo e lego nakong e nago le sehlogo se se rego, “Na Modimo o sa Dutše a Laola Dilo?” E tla lebiša tlhokomelo go seo Modimo a se bolelago le go se holofetša ka Lentšung la gagwe leo le sa aketšego, Beibele, mabapi le dipotšišo tše tša bohlokwa:

Na Modimo o na le taba le seo se diregago mo lefaseng?

O ikwa bjang ka batho?

Na o tshwenyegile ka boiketlo bja gago?

Mafelong a mantši, polelo ye e tla newa ka Sontaga, April 30, 2006, Holong ya Mmušo ya Dihlatse tša Jehofa. Dihlatse tša lefelong la geno di tla thabela go go fa aterese le nako.

O laletšwa ka borutho go tlo theetša ntle le tefo polelo ye yeo e kgothatšago e theilwego Beibeleng, yeo e tlago go araba ka mo go kgotsofatšago potšišo e rego: Na Modimo o sa Dutše a Laola Dilo?