Leina la Modimo Mminong wa Russia

KA 1877, mohlami yo a tsebjago kudu wa Morussia Modest Mussorgsky o gatišitše kopelo e theilwego kanegelong yeo e diregilego dinageng tšeo go bolelwago ka tšona ka Beibeleng. O ngwaletše mogwera’gwe gore: “Ke ngwadile mabapi le tiragalo ya ka Beibeleng ya Jesus Navinus [Jošua], yeo e dumelelanago ka mo go feletšego le Beibele e bile e latela tsela ya megwanto ya phenyo ya Navinus ya go phatša Kanana.” Dikopelong tše dingwe, tšeo di akaretšago ya “Phedišo ya Sanheribe,” Mussorgsky gape o ile a diriša dihlogo le batho ba ka Beibeleng.

Ka mo go lemogegago, ka go “Jesus Navinus,” gotee le ka tokollong ya gagwe ya 1874 ya “Phedišo ya Sanheribe,” Mussorgsky o bolela ka Modimo a diriša mmiletšo wa Serussia wa leina la Modimo, woo ka Mangwalong a Makgethwa o emelwago ke ditumammogo tše nne—יהוה (YHWH)—gomme di tšwelela ka makga a nyakilego go ba a 7 000.

Ka baka leo, dikoša tše tša Mussorgsky di bontšha gore e be e le kgale batho ba Russia ba tseba leina la Modimo la ka Beibeleng—Jehofa—pele ga lekgolo la bo-20 la nywaga. Seo se a kwagala ka gobane Jehofa ka boyena o ile a botša Moše gore: “Ke lôna leina la-ka la neng le neng, le ke tl’o xo xopolwa ka lôna xo merafo le merafo.”—Ekisodo 3:15.

[Seswantšho go letlakala 32]

Sekolo sa Mmino sa St. Petersburg ka 1913, moo dintlha tše di gatišitšwego tša mmino wa Mussorgsky di beilwego gona

[Mothopo]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg