“KA 1987, baeng ba ka godimo ga 1 000 ba ile ba tla Kopanong ya Selete ya ‘Bota Jehofa’ kua Guékédou, Guinea. Ka ge lefelo la kopano le be le le kgauswi le mollwane wa Sierra Leone le Liberia, baeng ba bantši bao ba tšwago dinageng tšeo ba ile ba kgetha go ya kopanong letšatši le letšatši ba tsoga ka gae. Lega go le bjalo, ba be ba se na mangwalo a molao a go tshela mellwane. Ka gona bana babo rena bao ba ikarabelago ba ile ba boledišana le balaodi ba mellwane gomme ba kwana ka letee. Baeng ba be ba tla kgopelwa selo setee feela—petšhe ya bona ya kopano! Ge maphodisa a mollwaneng a bona baeng bao ba hlomilego dipetšhe tše di tagilego tša mmala wa namune, gateetee a be a ba direla seka ka letsogo gore ba fete.”—Everett Berry, yo e kilego ya ba moromiwa.