Jakobo o ile a lwa le morongwa ka baka la selo se bohlokwa kudu, e lego go nyaka go šegofatšwa ke Jehofa. (Ge 32:24-31; Hos 12:3, 4) Go thwe’ng ka rena? Na re ikemišeditše go dira sohle seo re ka se kgonago gore re kwe Jehofa le gore a re šegofatše? Ge e ba re efa Jehofa nako ya rena e ntši, matla a rena le dilo tša rena, o tla re tšhollela ‘ditšhegofatšo ka boati.’ (Mal 3:10) O tla re hlahla a re šireletša le go re fa dilo tšeo re di hlokago.—Mat 6:33; Heb 13:5.

BOGELANG BIDIO YEO E REGO DULA O TSEPAMIŠEDITŠE KGOPOLO DIPAKANENG TŠA MOYA, KE MOKA LE ARABENG DIPOTŠIŠO TŠE DI LATELAGO:

• Kgaetšedi yo o ile a lekwa bjang ke selo seo a bego a se rata?

• Mešomo ya rena e ka ba teko bjang?

• Ke ka baka la’ng Timotheo a be a swanetše go tšwela pele a ipeela dipakane tša moya le ge a be a gotše moyeng?—1Ti 4:16

• Re bontšha bjang gore “mošomo o bohlokwa kudu” go rena ke ofe?