Samuele o ile a dula a botegela Jehofa bophelo bja gagwe ka moka. Ge e be e sa le mošemanyana, o ile a gana go swana le barwa ba Eli, e lego Hofini le Finease. (1Sa 2:22-26) Samuele o ile a gola gomme Jehofa a dula a na le yena. (1Sa 3:19) Le ge a tšofetše, o ile a tšwela pele a hlankela Jehofa ka potego le ge bana ba gagwe ba be ba sa hlankele Jehofa.—1Sa 8:1-5.

Mohlala wa Samuele o ka re ruta’ng? Ge e ba o le mofsa, kgodišega gore Jehofa o kwešiša mathata ao o kopanago le ona le ka moo o ikwago ka gona. A ka go thuša gore o be le sebete. (Jes 41:10, 13) Ge e ba o le motswadi yo a nago le bana bao ba sa hlankelego Jehofa, homotšwa ke go tseba gore Samuele o be a ka se kgone go gapeletša barwa ba gagwe gore ba phele ka melao ya Jehofa. O ile a tlogelela Jehofa taba yeo, a dula a mmotegela le go mo thabiša. Mohlomongwe mohlala wa gago o mobotse o ka thuša ngwana wa gago gore a boele go Jehofa.

BOGELANG BIDO YA  ITHUTE GO BONA—SAMUELE, KE MOKA LE ARABENG DIPOTŠIŠO TŠE:

• Samuele o bontšhitše bjang sebete ge e be e sa le mošemanyana?

• Benny o ile a bontšha bjang sebete?

• Samuele o ile a bea bjang mohlala o mobotse ge a šetše a tšofetše?

• Batswadi ba Benny ba beile mohlala o mobotse bjang?