Gore barutwana ba Beibele ba gwerane le Jehofa ba swanetše go kgona go kgetha bagwera ba mekgwa e mebotse. (Ps 15:1, 4) Bagwera ba mekgwa e mebotse ba tla ba thuša go dira seo se lokilego.—Die 13:20; lff thuto 48.

Eba le kwelobohloko ge o thuša barutwana ba gago ba Beibele go tlogela bagwera ba babe. Ba ka thatafalelwa ke go kgaotša segwera le batho bao ba sa rapelego Jehofa. Ka gona, ba bontšhe gore o a ba kgahlegela le ge e se nako ya go ithuta. O ka ba romela molaetša, wa ba founela goba wa ba etela ka nakwana. Ge barutwana ba tšwela pele gabotse, o ka ba memela dipokanong tša Bakristegotee le wena. Ba tla kgona go bona gore ba ka se hlaelelwe ke selo ge ba ka ba le bagwera ka phuthegong. (Mar 10:29, 30) Le wena o tlo thaba ge o bona lapa la Jehofa le gola.

BOGELANG BIDIO YA THUŠA BARUTWANA BA GAGO BA BEIBELE GORE BA SE GWERANE LE BATHO BAO BA SA RATEGO JEHOFA, KE MOKA LE ARABENG DIPOTŠIŠO TŠE:

• Ditlwaelano tše mpe ke’ng? —1Ko 15:33

• Jane o be a nagana gore go bjang pokanong ya Bokriste?

• Maki o ile a thuša bjang Jane gore a tlogele bagwera bao ba sa ratego Jehofa?