Ke ka baka la’ng o swanetše go botša batswadi ba gago dilo tšeo o di naganago? (Die 23:26) Ke ka lebaka la gore Jehofa o ba file boikarabelo bja go go hlokomela le go go hlahla. (Ps 127:3, 4) Ge e ba o sa botše batswadi ba gago dilo tšeo di go tshwenyago, ba ka se kgone go go thuša. O ka se kgone le go phema dikotsi tšeo bona ba ilego ba kgona go di phema ge ba sa gola. Na ke phošo go se botše batswadi ba gago dilo ka moka tšeo o di naganago? Aowa ga se go re go bjalo, eupša hlokomela gore o se ke wa ba hlalefetša moo ba ka feleletšago ba dumela taba yeo e sego nnete.—Die 3:32.

O ka boledišana bjang le batswadi ba gago? Boledišana le bona ka nako yeo e le loketšego. Ge e ba seo se sa kgonege, o ka ngwalela yo mongwe wa bona lengwalo wa mo hlalosetša gore o ikwa bjang. Go thwe’ng ge e ba ba nyaka go bolela ka taba yeo o sa ratego go bolela ka yona? Gopola gore ba nyaka go go thuša. Ba tšee e le bagwera ba gago, e sego manaba. Maiteko ka moka ao o a dirago a go ntšhetša batswadi ba gago sa mafahleng a tla go hola bophelo bja gago ka moka, ge e le gabotse a tla go hola ka mo go sa felego!—Die 4:10-12.

BOGELANG BIDIO YA GO BA MOFSA—NKA BOLEDIŠANA BJANG LE BATSWADI BA KA? KE MOKA LE ARABENG DIPOTŠIŠO TŠE:

• Ke’ng seo Esther le Partik ba ilego ba thoma go se lemoga ka bona?

• Ke’ng seo o ka ithutago sona mohlaleng wa Jesu?

• Batswadi ba gago ba go bontšhitše bjang gore ba a go rata?

• Ke melao efe ya motheo yeo e ka go thušago go boledišana le batswadi ba gago?