Lerato le swana le sekgomaretši ka gobane le dira gore lapa le momagane gomme le be le botee. Ge go se ne lerato ka gae, lapa le ka se be le botee e bile le ka se dirišane. Banna, basadi le batswadi ba ka bontšha bjang lerato ka lapeng?

Monna yo a ratago mosadi wa gagwe o tlo naganela dinyakwa tša gagwe, tsela yeo a bonago dilo ka yona le maikwelo a gagwe. (Ef 5:28, 29) O tla hlokomela lapa la gagwe ka go le nea dilo tšeo le di hlokago. E bile o tla le thuša gore le be le segwera se sebotse le Jehofa, go akaretša le go swara Borapedi bja Lapa ka mehla. (1Ti 5:8) Mosadi yo a ratago monna wa gagwe o tlo ikokobeletša yena le go mmontšha “tlhompho e tseneletšego.” (Ef 5:22, 33; 1Pe 3:1-6) Banyalani ba swanetše go ikemišetša go lebalelana. (Ef 4:32) Batswadi ba rata yo mongwe le yo mongwe wa bana ba bona e bile ba ba ruta gore ba rate Jehofa. (Doi 6:6, 7; Ef 6:4) Bana ba bona ba kopana le mathata afe sekolong? Ba dira’ng ge dithaka tša bona di leka go ba gapeletša go dira dilo tše di fošagetšego? Ge go na le lerato ka gae, lapa ka moka le tlo ikwa le šireletšegile.

BOGELANG BIDIO YEO E REGO DULA O BONTŠHA LERATO KA LAPENG, KE MOKA LE ARABENG DIPOTŠIŠO TŠE:

• Monna yo a ratago mosadi wa gagwe o mo hlokomela bjang?

• Mosadi yo a ratago monna wa gagwe o bontšha bjang gore o mo hlompha ka mo go tseneletšego?

• Batswadi bao ba ratago bana ba bona ba ba ruta bjang Lentšu la Modimo?