Ge re na le mafolofolo re dira gore bao re bolelago le bona ba be le mafolofolo. Go ba le mafolofolo go dira gore batho ba thabele go theetša seo re ba rutago sona. E bile go bontšha gore re tšea molaetša wa rena o le bohlokwa. Ka moka ga rena re ka ithuta go ba le mafolofolo, go sa šetšwe gore re batho ba mohuta mang goba gore re tšwa kae. (Rom 12:11) Re ka dira seo bjang?

Sa pele, nagana kamoo molaetša wo re o bolelago o lego bohlokwa ka gona. O na le tokelo ya go bolela “ditaba tše dibotse tša dilo tše dibotse!” (Rom 10:15) Sa bobedi, nagana ka tsela yeo molaetša wo o ka thušago go kaonefatša maphelo a bao o bolelago le bona. Ba tloga ba nyaka go kwa seo o ba rutago sona. (Rom 10:13, 14) Sa mafelelo, bolela ka mafolofolo, o diriše boitšhišinyo bja mmele gabotse e bile sefahlego sa gago se bontšhe mafolofolo.

BOGELANG BIDIO YA HWETŠA LETHABO MODIRONG WA GO DIRA BATHO BARUTIWA—KAONEFATŠA BOKGONI BJA GAGO BJA GO RUTA—RUTA KA MAFOLOFOLO, KE MOKA LE ARABENG DIPOTŠIŠO TŠE:

• Ke’ng seo se dirilego gore Maki a se sa ba le mafolofolo a go ithuta Beibele le Jane?

• Ke’ng seo se thušitšego Maki gore a boele a be le mafolofolo?

• Ke ka baka la’ng re swanetše go šetša dika tše dibotse tša batho bao re ithutago le bona?

• Go ba le mafolofolo go ka ama bjang barutwana ba Beibele le batho ba bangwe?