Morero o mogolo wa tayo ke go re ruta se sengwe. E bile e akaretša go phošollwa le go hwetša kotlo. Jehofa o re nea tayo e le gore re kgone go mo hlankela ka tsela yeo a e amogelago. (Rom 12:1; Heb 12:10, 11) Ka dinako tše dingwe tayo e ka go kweša bohloko eupša ge o ka e diriša, Modimo o tla go amogela le go go šegofatša. (Die 10:7) Batho bao ba neago ba bangwe tayo le bao ba hwetšago tayo ba swanetše go dula ba naganne ka eng?

Yo a neago tayo. Bagolo, batswadi le ba bangwe ba leka ka thata go ekiša Jehofa ka go nea ba bangwe keletšo ka botho le ka lerato. (Jer 46:28) Le ge tayo e le matla, e swanetše go newa ka lerato.—Tit 1:13.

Yo a newago tayo. Go sa šetšwe gore re hweditše tayo bjang, re swanetše go e amogela le go e diriša kapelapela. (Die 3:11, 12) Ka ge re fela re dira diphošo, ka moka ga rena re hloka go laiwa ka mekgwa e fapafapanego. Re ka hwetša tayo go seo re se balago ka Beibeleng goba go seo re se kwago ge re le dibokeng. Le gona, ka dinako tše dingwe ba bangwe ba hloka tayo ya go tšwa go komiti ya boahlodi. Motho yo a amogelago tayo le go e diriša o tla phela bophelo bjo bo kgahlišago gona bjale, e bile o tlo phela ka mo go sa felego nakong e tlago.—Die 10:17.

BOGELANG BIDIO YEO E REGO, “JEHOFA O LAYA YO A MO RATAGO,” KE MOKA LE ARABENG DIPOTŠIŠO TŠE:

• Canon o thomile a phela bjang, gona bophelo bja gagwe bo ile bja fetoga bjang?

• Jehofa o ile a mo nea bjang tayo ka tsela e lerato?

• Re ithuta’ng go Canon?