BOPHELO BJA BOKRISTE

Thuša Batho Bao e Sego Badumedi Gore ba Tsebe Mmopi wa Bona

BAPALA

Na o fela o dikadika go nea bohlatse go batho bao e sego badumedi o nagana gore ba ka se go theetše? Ge e ba go le bjalo, gopola gore batho ba bantši bao e bego e se badumedi go akaretša le bao ba bego ba sa dumele gore Modimo o gona, ba ile ba fetoga Dihlatse tša Jehofa. Gantši ba no nyaka go newa bohlatse bjo bo bontšhago gore Modimo o gona.—Rom 1:20; 10:14.

BOGELANG BIDIO YA BATHO BAO BA SE NAGO TUMELO BA KA BA LE YONA—BATHO BAO E SEGO BADUMEDI, KE MOKA LE ARABENG DIPOTŠIŠO TŠE:

Phihlelo ya Tommaso e go thuša bjang gore o se sa dikadika go nea bohlatse go batho bao e sego badumedi?

Karabo

O ka thoma bjang?

Ge e ba motho a bontšha gore ga a dumele go Modimo, eba botho, o be le temogo o be o bontšhe gore o kgahlegela seo a se naganago le tsela yeo a ikwago ka yona ka taba yeo. (2Ti 2:24) Boledišana le yena ka ditaba tšeo di ka mo kgahlago. Na o lokologa go bolela ka bohlatse bjo bo dirilego gore ba bantši ba dumele gore go na le Mmopi? Ge e ba go le bjalo, diriša dikgatišo le dibidio tšeo di bolelago ka taba yeo. Poroutšha ya Na Dilo tše di Phelago di Bopilwe? Le ya Bophelo bo Thomile Bjang?—Ekwa Dikarabo tša Dipotšišo tše Hlano, di tsentšwe go Teaching Toolbox gore di hwetšagale gabonolo

Go nea bohlatse go motho yo a sa dumelego gore Modimo o gona, go ka no thoma go go tšhoša. Kgopela mogoeledi yo a nago le phihlelo gore a go thuše. Le gona, gopola gore Jehofa a ka go thuša gore o kgone go hwetša batho bao ba nyakago go ithuta ka yena le ge mathomong ba be ba sa dumele gore o gona.—Dit 13:48.

PUKWANA YA SEBOKA SA BOPHELO LE BODIREDI BJA BOKRISTE