1 Chronicles 25:1-31
25 Nááʼáłdóʼ David áádóó siláo dah deínéehii binanitʼaʼí danilíinii éí Éísaf biyeʼké bitsʼą́ą́dóó áádóó Hííman biyeʼké bitsʼą́ą́dóó índa Jedúthan biyeʼké bitsʼą́ą́dóó łaʼ tsin tłʼóół naakitsʼáadah bąąh daneelzheeʼgo bee nidaʼaʼnéii áádóó tsin tłʼóół neeznáá bąąh daneelzheeʼgo bee nidaʼaʼnéii áádóó béésh ahídíʼniłgo diitsʼaʼígíí bee Diyin God yaa dahaniih doo biniyé ałtsʼádabiʼdeeʼnil; diné nidadoolnishii ánéelą́ʼígíí tʼéiyá bikʼehgo yindadoolnishii baa dahideestʼánígíí
2 éí Éísaf biyeʼké danilíinii Záker áádóó Jóseph áádóó Nethanáíyah índa Asaríílah daolyé; Éísaf biyeʼké éí Éísaf bíniikʼehgo aláahgo naatʼáanii yee bá hasʼą́ yę́ęgi átʼéego atah Diyin God yaa dahalneʼ.
3 Jedúthan biyeʼké ałdóʼ hastą́ltʼé: Gedaláíyah, Zíírai, Jiishéíyah, Shímiyai, Hashabáíyah índa Matitháíyah daolyéego, bizhéʼé bíniikʼehgo tsin tłʼóół naakitsʼáadah bąąh daneelzheeʼgo bee nidaʼaʼnéii bee Bóhólníihii yichʼįʼ ahééh danízin índa yaa dahaniih nítʼééʼ.
4 Hííman biyeʼké ałdóʼ éí Bakáíyah, Matanáíyah, Azáíyel, Shiibúwel, Jériimath, Hananáíyah, Hanéínai, Iiláíyathah, Gidáltai, Romámtiyíízer, Jashbiikéíshah, Málothai, Hóther índa Mahéíziyath daolyé.
5 Diyin God yee haadzíiʼii bikʼehgo Hííman éí aláahgo naatʼáanii náásgóó ádahodooníiłii baa hojilneʼii jílı̨́įgo hayeʼké dahólǫ́ǫgo bee ił jílı̨́. Hííman hayeʼké dı̨́ı̨́ʼtsʼáadahgo áádóó hatsiʼké táltʼéego Diyin God hainínil.
6 Diyin God bikin biiʼ sohodizin góneʼ nahadláhígi díí éí béésh ahídíʼniłgo diitsʼaʼígíí áádóó tsin tłʼóół neeznáá bąąh daneelzheeʼgo bee nidaʼaʼnéii índa tsin tłʼóół naakitsʼáadah bąąh daneelzheeʼgo bee nidaʼaʼnéii yee nidaanéego bizhéʼé bíniikʼehgo dahataał. Éísaf, Jedúthan áádóó Hííman éí aláahgo naatʼáanii bá yee haadzíiʼii yikʼehgo ádaatʼé.
7 Bóhólníihii biyiin bee baa haʼniihii bee nidabidiʼneestą́ʼígíí tʼáá ałtso bikʼisóó tʼáá biłgo naakidi neeznádiindóó baʼaan tseebídiindóó baʼaan tseebíí ánéelą́ą́ʼ.
8 Áádóó aʼohgo ádaatʼéii áádóó ayóó ádaatʼéii áádóó nidaʼnitinii índa daʼółtaʼii tʼáá aheełtʼéego yááʼiiltʼeʼ yaa nidaaskai.
9 Nítʼééʼ áłtsé yááʼiiltʼeʼígíí Éísaf biyeʼ nilíinii Jóseph wolyéii bichʼijí niʼníkę́ę́z. Áádóó akéʼé góneʼ Gedaláíyah wolyéii bikʼisóó bił índa biyeʼké yiłgo naakitsʼáadah yiltʼéego bichʼijí niʼníkę́ę́z.
10 Áádóó táʼá góneʼ Záker wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
11 Dı̨́ʼí góneʼ Ízrai wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
12 Ashdlaʼ góneʼ Nethanáíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
13 Hastání góneʼ Bakáíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
14 Tsostsʼid góneʼ Jesharíílah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
15 Tseebíí góneʼ Jiishéíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
16 Náhástʼéí góneʼ Matanáíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
17 Neeznáá góneʼ Shímiyai wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
18 Łaʼtsʼáadah góneʼ Azéíriyel wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
19 Naakitsʼáadah góneʼ Hashabáíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
20 Tááʼtsʼáadah góneʼ Shiibúwel wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
21 Dı̨́ı̨́ʼtsʼáadah góneʼ Matitháíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
22 Ashdlaʼáadah góneʼ Jériimath wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
23 Hastą́ʼáadah góneʼ Hananáíyah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
24 Tsostsʼidtsʼáadah góneʼ Jashbiikéíshah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
25 Tseebíítsʼáadah góneʼ Hanéínai wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
26 Náhástʼéítsʼáadah góneʼ Málothai wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
27 Naadiin góneʼ Iiláíyathah wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
28 Naadiin łaʼ góneʼ Hóther wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
29 Naadiin naaki góneʼ Gidáltai wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
30 Naadiin tááʼ góneʼ Mahéíziyath wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
31 Naadiin dı̨́ı̨́ʼ góneʼ Romámtiyíízer wolyéii biyeʼké bił índa bikʼisóó yiłgo naakitsʼáadah yiltʼéego bichʼijí niʼníkę́ę́z.
