Isaiah 26:1-21
26 Éí yoołkáałdi Júdah dineʼé bikéyahdi díí sin nididootʼááł:
Bidziilgo nihikin haalʼáago binaa ahéédaʼastłʼinígíí bighą́ą́ʼdóó bineʼ naʼadziʼii bee yisdáʼiildééh.
2 Dineʼé tʼáá ákogi ádaatʼéii badaʼahódlíii yah ahidookah biniyé dáńʼdaʼditı̨́ı̨́hgóó ąą ádaohłeʼ.
3 Doo naa yoonééhgóó nitsíkeesii tʼáá ałtsojįʼ bił hodéezyéelgo íínísin doo,háálá neidzólí.
4 Hoolʼáágóó Bóhólníihii baa dzíínílí, háálá Bóhólníihii Diyin God yee bidziilii hoolʼáágóó hólǫ́.
5 Beʼáshodahódliʼgo kéédahatʼíinii ádaa dahojoolbáʼígo ádeileʼ;kin haalʼáago ayóo chʼíbiditʼáhígíí nideeztąądgo ádeileʼ;niʼgóó nideeztąądgo ádeileʼ, łeeshtahdi nideeztąądgo ádeileʼ.
6 Hakʼi nidooldah;badahojoobáʼíii hojoobaʼ nahasʼáanii hakʼi nidookah.
7 Diné tʼáá ákogi ááníiłii éí doo binaʼadloʼgóó kʼéhézdon yigááł;tʼáá ákǫ́ǫ́ ááníiłii nílíinii, diné tʼáá ákogi ádaatʼéii bá kʼíhóółdǫǫł.
8 Bóhólníihii nílíinii, á nihoyíʼaahígíí bikʼehgonibaʼ ádaniitʼéé nítʼééʼ;nihiiʼ sizíinii éí nízhiʼ bee niʼdójíigoáádóó néédeiilniih doogo yídin nilı̨́.
9 Tłʼéeʼgo shiiʼ sizíinii bee nídin nishłı̨́;tʼáá aaníí, níłchʼi shiiʼ sizíinii bił haleebee handínéeshtaał,háálá nahasdzáán bikáaʼgi á nihoyíʼaahígíínihokááʼ dineʼé éí tʼáá ákogi átʼéii yídahoołʼaah.
10 Azhą́ bee achʼohaʼníinii diné doo yáʼáshóonii bee bíká oʼoolwodnidi, tʼáá ákogi átʼéii doo yíhwiidoołʼáał da;kéyah naʼadloʼ bąąh ádingo kʼéhézdon iináadi tʼáadoo ákǫ́ǫ́ éí áátʼįįłgo binaʼadloʼ doo,áádóó Bóhólníihii yee ayóó átʼéii doo tʼáá kʼad yaa ákoniizı̨́įʼ da.
11 Bóhólníihii nílíinii, naanish ayóó átʼéii biniyé kʼídíínílniiʼ nidi,doo deidoołtséeł da,nidi diné tʼáá íiyisí bíninidlínígíí dayiiłtsą́ągo yádadínóozįįł;niʼanaʼí tʼáá aaníí adidookʼą́ą́ł.
12 Bóhólníihii nílíinii, bee achʼįʼ hózhóonii nihá atsʼáníʼaah,háálá bindashiilnishígíí ałdóʼ tʼáá ałtso nihá binishínílnish.
13 Bóhólníihii nihiDiyin God nílíinii,náádaałaʼ bídahólníihii nihee ádidahólnííh nítʼééʼ,nidi neʼajoobaʼ tʼéiyá bee danííníijíi doo.
14 Éí daneezná áádóó doo dahináa da doo;ádaadin áádóó daneeznáádę́ę́ʼ doo náádahididoojah da;éí bąą baa nanínítą́ąʼgo ádasíníłdįįdáádóó bee béédahaniih yę́ę tʼáá ałtso baa dahoyoosʼnahgo íinilaa.
15 Bóhólníihii nílíinii,nidineʼé kʼeeʼąą díníníłtʼą́, nidineʼé kʼeeʼąą díníníłtʼą́;ayóó ánítʼéego naa haʼniih;kéyah hoodzooígíí kʼeeʼąą dadííníłdéél.
16 Bichʼįʼ nidahwiiʼnáago nichʼįʼ chodaʼoosʼįįd, Bóhólníihii nílíinii;tʼáá hashkée nanítingonichʼįʼ tʼáá hazhóóʼígo sodadoolzin.
17 Asdzání kʼadę́ę aʼniiłchı̨́įgoawééʼ bíʼnahgo bił náhoniigahgo hanáchahígi átʼéegonihí, Bóhólníihii nílíinii, nichʼįʼ ákódaniitʼéé nítʼééʼ.
18 Deiiltsą́ą́ nítʼééʼ, awééʼ nihéédadiiʼnah nítʼééʼ,níyol tʼéiyá dashiilchı̨́įgi ádeidzaa; nihokáaʼgi tʼáadoo yisdádaʼiiʼnil da,doo nidi nihokááʼ dineʼé łaʼ dashiilchı̨́į da.
19 Diné daneeznáanii dahináa doo; shidineʼé daneeznánígíí náádidoojah.Łeeyiʼ shoojéeʼii, chʼéédaohdzíidgo dahohtaał,háálá tʼáá chʼil dahtooʼ bąąhgo bee bitsʼádiʼnídínígi átʼéego nee adinídíín,áádóó nahasdzáán éí daneeznáanii hinááh ánéidoodlíiłgo háidooʼnił.
20 Hágo, shidineʼé, náwóneʼé góneʼ yah ahohkáahgo ádá dadiʼnołkaał;tʼóó báhádzidgo hashké hwiiniidzı̨́įʼgo bee atíʼélʼíinii ałtso ádzaajįʼ tʼóó kónígháníjįʼ nídadoohtʼįįh.
21 Háálá nihokááʼ dineʼé doo ákwii ádáátʼįįdii biniinaa atíidoolííł biniyéBóhólníihii bił hazʼą́ą́dóó chʼíníyá, jóʼakon;nihokááʼ dineʼé bidił bitsʼádaazlı̨́įgo ádeileʼiiyidooltsééł áádóó nidadzistseedii doo nínáádazhdidoołʼı̨́įł da.
