Job 14:1-22
14 Diné éí asdzání bishchínígííéí neʼełdįįhjįʼ bichʼįʼ nahwiiʼnáa łeh,índa doo ląʼí biiłkaah da.
2 Chʼilátah hózhóón nahalingo jidínísééh áádóó jiniiłnah.Chahaʼoh tsxı̨́įłgo eeldooígíí nahalingo hoł yóóʼahaghááh, áko doo náájiiʼnáa da łeh.
3 Diné ákótʼéiísh níníłʼı̨́įgoaa dahwiinítʼı̨́įgi shaa nídíítʼįįł?
4 Háísh haʼátʼíhída tʼóó baaʼihii bitsʼą́ą́dóó yáʼátʼéehgo ánéidoodlííł?Tʼáadoo yíneelʼání da.
5 Ákwíí hwiidoołkáłígíí tʼáá íídą́ą́ʼ bee nihootʼą́ągoákwíí hwee nídidooziłígíí bee nihwííníʼą́;éí bilááhgóó tsʼídá doo jiináa da dooleełgo bee hosíníłʼą́.
6 Adeenáago naalnishgo bee eʼeʼáhígi átʼéegobił yee hwiih silı̨́įʼjįʼ bíniʼ hanályı̨́ı̨́h.
7 Tsin kʼélneʼ nidi hanáádínóoséełgo bá chohooʼı̨́,áko hanáádínóoséłígíí doo dínóotłʼahgóó nooséeł doo.
8 Azhą́ behétłʼóól łeeyiʼdi hadaatih nidi,índa tsehégod ííʼáii dííłdzid nidi,
9 tó bił nehekaahgo néidootsoháádóó bitsʼáozʼaʼ náhodoodleełgo dootłʼizhgo náánooséeł doo.
10 Nidi diné éí daaztsą́ągo yóóʼábiʼdiilʼįįh, áádóó áadi hodiʼniiłdziʼ.Tʼáá aaníí diné haayołgo háadi éí nááhódlǫ́ǫ łeh?
11 Tónteel bitsʼą́ą́dóó tó yótʼáahjįʼ ahwiilehígi átʼéegoínda tooh ádįįhgo náháltsihígíigi átʼéego
12 tʼáá ákótʼéego yádiłhił ásdįįdjįʼdiné noonéełii doo náádidoojah da,índa doo chʼéédabidoosiłí da.
13 Łeeh hoʼdiiʼníiłdi náshidóółʼı̨́ı̨́ł laanaa; tʼóó báhádzidgo bee atíʼéłʼíinii eeldojįʼ náshidóółʼı̨́ı̨́ł laanaa;shá nihodííʼáałgo shéédíílnih laanaa!
14 Diné daaztsą́ągo áádóósh nááhíʼnáa doo?Łahgo áshidiʼdoolníłígíí bibaʼ áníshtʼéego naashnishgo shíyoołkáał doo.
15 Shíká ádííníniidgo nichʼįʼ áńdideeshʼniił;binishínílnishii bídin nílı̨́į doo.
16 Kʼad nihidishtaałígíí baa híínídáagoádił niʼiisíhígíísh doo hanisíid da?
17 Bee hazʼáanii hétiʼii azis biiʼ dáʼdeestłʼǫ́,áádóó doo ákwii áátʼįįdii bidáńʼdaʼdíłkad.
18 Dził ałtso naaʼiizhoshgo hodiilkǫǫhínda tsé éí nahjįʼ ahinikaʼ.
19 Tó éí tsé nidayiisháásh;tʼáá íiyisí nahałtı̨́įhgo łeezh ayiiłʼeeł;tʼáá ákótʼéego diné bee bił chohooʼínígíí ááłdįįł.
20 Hoolʼáágóó diné bikʼeh dídlı̨́ áádóó daniné,áko biniiʼjįʼ łahgo ánoolningo íiniłʼįįh, áádóó dahodiileeh.
21 Biyeʼké ił nilíinii daaleeh, nidi doo hoł bééhózin da;biyeʼké éí aʼohgo ádabiʼdiilʼįįh, nidi tʼáadoo hoł bééhoozįįh da.
22 Tʼáá hó hatsʼísígíí tʼéiyá neezgaigo baa ákoznízin łeh,índa tʼáá hó yínííł jílı̨́įgo ádaa atínízhdindleeh łeh.
