Psalm 121:1-8
Bóhólníihii éí naa áhályáanii nilı̨́
121 Yáádaalkʼid góde dídéeshʼįįł. Háádę́ęʼshąʼ shíká anááʼdoolwoł?
2 Bóhólníihii éí yádiłhił índa nahasdzáán áyiilaii shíká análwoʼ ni.
3 Nikeeʼ doo nitsʼą́ą́ʼ hidoolnááłgóó áyósin doo. Naa áhályáanii éí niniinaa doo adínóolyił da.
4 Jó, Ízrel dineʼé yaa áhályáanii éí niniinaa doo adínóolyił da, doo nidi iidoołhosh da.
5 Bóhólníihii éí naa áhályáanii átʼé; Bóhólníihii éí ninishʼnáájí bee nikʼi chahaʼoh.
6 Jı̨́įgo jı̨́honaaʼéí doo atíndoolíił da, índa tłʼéeʼgo ooljééʼ nidi dooda.
7 Doo yáʼádaatʼéehii tʼáá ałtso bitsʼąą Bóhólníihii naa áhályą́ą doo; niiʼ sizíinii nidi yaa áhályą́ą doo.
8 Kʼad éí kodóó chʼíhínáahgo áádóó yah anáhídáahgo ahóyéelʼáágóó Bóhólníihii naa áhályą́ą doo.
