Psalm 13:1-6
Achʼįʼ nahwiiʼnáagi sohodizin
13 Bóhólníihii nílíinii, haash nízahjįʼ sheidiyíínah? Daʼ hoolʼáágóósh? Haa nízáagishąʼ doo shiníníłʼı̨́į da doo?
2 Haa nízáagishąʼ shá bíighah shijéí yínííł nilı̨́įgo shiiʼ sizíinii biʼdiiłʼáa doo? Haa nízáagishąʼ shiʼanaʼí shide átʼée doo?
3 Bóhólníihii shiDiyin God nílíinii, shaa nitsíníkees áádóó shichʼįʼ ééhonísįįhgo shidziil áshílééh, áko doo dadeestsaał da,
4 doodaiiʼ shiʼanaʼí, Hakʼeh díshdlı̨́ı̨́ʼ, dashididooniił, índa shikʼee dadiniihígíí nahjįʼ kódashiilaago yaa bił nidahoozhǫǫh doo.
5 Nidi aa aʼááh nínízinii baa jííníshłí áádóó nibee yisdáʼiildéehii shijéí yaa bił hózhǫ́ǫ dooleeł.
6 Bóhólníihii tʼáá íiyisí shaa joobaʼgo bąą bichʼįʼ hashtaał doo.
