Psalm 136:1-26
136 Haaʼíshąʼ, Bóhólníihii bichʼįʼ ahééh danohsin, háálá yáʼátʼéehii nilı̨́; jó, aa aʼááh nízingo ahóyéelʼá.
2 Diyin dabidiʼníinii biláahdi Diyin God jílíinii bichʼįʼ ahééh danohsin; jó, aa aʼááh nízingo ahóyéelʼá.
3 Bídahólníihii biBóhólníihii bichʼįʼ ahééh danohsin; jó, aa aʼááh nízingo ahóyéelʼá.
4 Tʼáá bí tʼéiyá tʼóó bikʼedaʼayóigo óʼoolíiłii bichʼįʼ, háálá aa aʼááh nízingo ahóyéelʼá.
5 Yaa hóyą́ągo yádiłhił áyiilaii bichʼįʼ, háálá aa aʼááh nízingo ahóyéelʼá.
6 Tó adahaazyíinii biláahdi nahasdzáán niłdzilgo áyiilaii bichʼįʼ, háálá aa aʼááh nízingo ahóyéelʼá.
7 Ayóó átʼéii bee dadiʼnídíinii áyiilaii bichʼįʼ, háálá aa aʼááh nízingo ahóyéelʼá.
8 Jı̨́honaaʼéí jı̨́įgo bee bóhólníihgo áyiilaii bichʼįʼ, háálá aa aʼááh nízingo ahóyéelʼá.
9 Ooljééʼ áádóó sǫʼ éí tłʼééʼ bee bídahólníihgo áyiilaii bichʼįʼ, háálá aa aʼááh nízingo ahóyéelʼá.
10 Ííjip kéyahdi áłtsé nidahaazhchíinii íísdįįdii bichʼįʼ, háálá aa aʼááh nízingo ahóyéelʼá.
11 Áádóó bitahdóó Ízrel chʼíiníʼeezhii bichʼįʼ, háálá aa aʼááh nízingo ahóyéelʼá.
12 Kʼídéesniiʼgo ayóó ábóodziilii yee chʼíiníʼeezhii bichʼįʼ, háálá aa aʼááh nízingo ahóyéelʼá.
13 Tónteel Łichííʼ wolyéii ałtsʼáyííłkʼolii bichʼįʼ, háálá aa aʼááh nízingo ahóyéelʼá.
14 Áádóó bitaʼ góneʼ Ízrel dineʼé chʼíiníłkaii bichʼįʼ, háálá aa aʼááh nízingo ahóyéelʼá.
15 Nidi Féro áádóó bidineʼé tʼóó ahayóí yił yinéełii Tónteel Łichííʼ wolyéii yiiʼ íísdįįdii bichʼįʼ ahééh danohsin, háálá aa aʼááh nízingo ahóyéelʼá.
16 Honoojí góneʼ bidineʼé yiníʼeezhii bichʼįʼ, háálá aa aʼááh nízingo ahóyéelʼá.
17 Aláahgo naatʼáanii ayóó ádaatʼéii íísdįįdii bichʼįʼ, háálá aa aʼááh nízingo ahóyéelʼá.
18 Áádóó aláahgo naatʼáanii dahayóigo béédahoʼdílzinii neistseedii bichʼįʼ, háálá aa aʼááh nízingo ahóyéelʼá.
19 Ámor dineʼé binanitʼaʼí Sáíhan wolyéii yiyiisxíinii bichʼįʼ, háálá aa aʼááh nízingo ahóyéelʼá.
20 Áádóó Béíshan dineʼé binanitʼaʼí Ag wolyéii yiyiisxíinii bichʼįʼ, háálá aa aʼááh nízingo ahóyéelʼá.
21 Áádóó bikédaayah hodineʼé baazhdiníʼáanii bichʼįʼ, háálá aa aʼááh jinízingo ahóyéelʼá.
22 Há naalʼaʼí Ízrel bííʼ dooleełgo baazhdiníʼáanii bichʼįʼ, háálá aa aʼááh jinízingo ahóyéelʼá.
23 Bí lą́ą nihaa dahojoobáʼígo ádaniitʼéego nihénáálniiʼ niʼ, háálá aa aʼááh nízingo ahóyéelʼá.
24 Áádóó nihiʼanaʼí danilíinii bitsʼą́ąjįʼ háánihooʼnil, háálá aa aʼááh nízingo ahóyéelʼá.
25 Nídídzihii tʼáá ałtso nináneelʼą́ąjįʼ yaʼałtsoʼ, háálá aa aʼááh nízingo ahóyéelʼá.
26 Haaʼíshąʼ díí tʼáá ałtso biniinaa Diyin God yáʼąąshdi hólóonii bichʼįʼ ahééh danohsin, háálá aa aʼááh nízingo ahóyéelʼá.
