Jesus díí Atisʼadeesdzá akéeʼdi ííléhígíí tʼáá íiyisíí ílı̨́. Dazhdootsaał baa hoolzhiizhígíí biniinaa hódahoołʼaahii bił dazhʼdooyı̨́ı̨́ł binahojizʼą́. Daʼjííyą́ą́ʼ bikéédóó éí tʼáá nináháhááh bikʼeh kótʼéego áńdaʼoołʼįįh doo hodííniid, Akéeʼdi Daʼjííyą́ą́ʼ wolyéego hadootʼih. Peter dóó John éí dazhʼdooyı̨́įłgi hashtʼehołééh bijiníigo alą́ąjįʼ ajííłʼaʼ. (Lu 22:7-13; naaltsoos bikááʼdę́ę́ʼ naashchʼąąʼígíí.) Tʼáá ákótʼéego nihí ałdóʼ March 27go, Jesus Bééhániih álnéehgi biniyé hashtʼedidííʼnííł. Hodoolnihígíí, wáin dóó bááh sinilgi shı̨́ı̨́ congregations tʼáá íídą́ą́ʼ yiniyé hashtʼedadiʼnééh. Tʼáá nihí siidzı̨́įgi éí Jesus Bééhániih álnéehgi haitʼéego biniyé hashtʼedidííʼnííł?

Jesus ná daaztsą́ągi yéigo baa ahééh nínízin. Diyin Bizaad biiʼ íídą́ą́ʼ áhóótʼįįd yę́ę dabikááʼ, áko éí yíníłtaʼ dóó hazhóʼó nabikʼítsíníłkees. Examining the Scriptures Daily dóó New World Translation of the Holy Scriptures Appendix B12-A Part 1 dóó B12-B Part 2 biyaagi wóltaʼ dooleełígíí dabikááʼ. (Naaltsoos Jesus Bedaʼiilʼı̨́įgo Dahiniiʼná, April 2020 góneʼ ályaaígíí ałdóʼ dínííłʼįįł.) Watch Tower Publications Index doodaiiʼ Research Guide for Jehovah’s Witnesses chodajoołʼı̨́įgo, family worship ádajiléehgo Jesus beʼiinaʼ nihá ninéidiníʼánígíí hazhóʼó baa nídajitʼı̨́į doo.

Diné tʼáá ałtso nihaa díínááł bididííniił. Naaltsoos naaʼniihgi áká adiijah. Diyin Bizaad bee bił náhólnihígíí, nanítin ńtʼéʼígíí, béédahonísinii dóó nikʼéí nihaa díínááł bididííniił. Elders éí inactive daazlı̨́ʼígíí nihaa díínááł dabizhdidooniił. Nízaadi bighango éí kééhatʼı̨́įgi Jesus Bééhániih álnéehgo átʼé. JW.org ąą ájiiłʼįįhgo, ABOUT US biyaagi “Memorial” bá dahooʼaʼígíí dabikááʼ. Oolkił dóó haaʼí baa nídiildeeʼígíí dabikááʼ.

Haʼátʼíí ałdóʼ bee hashtʼedadidiiʼnííł?