Jesus nahojilneʼgo tʼááłáʼí nááhai dóó náʼííłnííʼ. Daalʼaadii nízhdidoonił baa hoolzhiizh. Háí lá áhánígo bił nidajilnish doo? Háí lá Oodlání yaa áhályą́ągo yooʼish doogo nizhdínóotı̨́ı̨́ł? Díí binahojiʼáhígíí Jiihóvah yee shíká adoolwoł jiniizı̨́ı̨́ʼ. Dziłghą́ą́ʼgóó jiníyáago, tłʼééʼ bíighah tʼáá sáhí Jiihóvah bichʼįʼ sozdoolzin. Abínígo Jesus bídahoołʼaahii łaʼ wóshdę́ę́ʼ yidííniid. Éí bitahdóó 12 yiltʼéego daalʼaadii néidiinil. Háídígíí bízhiʼ béénílniih? Kódaolyé: Peter, Andrew, James, John, Philip, Barthálemew, Thomas, Matthew, James éí Alfíyas biyeʼ, Thádiyas, Sáíman, dóó Júdas Iskáriyat.

12 jiltʼéhígíí Jesus bił tázhdíkáahgo nahoneeztą́ą́ʼ. Nidahojilneʼ doo biniyé ahwiisʼaʼ. Jiihóvah bibee adziil yee bąąh dah nahazʼánígíí nídayííłdzííʼ dóó demons chʼídeineeskaad.

Díí 12 daalʼaadii Jesus haa dzólíigo shikʼis hałní. Férisiiz éí daalʼaadii doo ayóo daʼjííłtʼaʼgóó haa nitsídaakees. Ndi Jesus  éí nidahojilneʼ dooígíí hazhóʼó yee nahoneeztą́ą́ʼ. Jesus tʼahdoo dajitsaahdą́ą́ʼ índa náahoʼdiilzá bikʼijįʼ daalʼaadii hoł tádíkááh ńtʼééʼ. Jesus éí Gáliliidę́ę́ʼ nijighá, daalʼaadii ałdóʼ łaʼ áádę́ę́ʼ nidaakai. Łaʼ éí beʼasdzą́ą́ dahólǫ́.

Daalʼaadii éí nidaʼjiisííh. Łahda tʼáadoo nitsídaakeesí hadaadzih áádóó ádá nahatʼá tʼáá há nidanitłʼa. Łahda éí doo hadaʼjólníi da łeh. Háí lá aláahdi átʼé daaníigo ałghadaʼditʼááh. Ndi diné yáʼátʼéehii danilı̨́įgo Jiihóvah ayóóʼádayóʼní. Jesus anáádzáago daalʼaadii binahjįʼ Christian congregation dahazlı̨́ı̨́ʼ.