30 C.E. yihah biiʼ dąąjįʼ ahoolzhiizhgo, Jesus éí Jerúsalemdi jiníyá. Ákweʼé Atisʼadeesdzá ádoolnííł biniyé ląʼí diné áłah silı̨́ı̨́ʼ. Náádeidiyoołnihii templegi nidayiizhjaaʼ. Bilı̨́ı̨́ʼ dahólónígíí nidayiizhʼeezh, łaʼ éí nááhidoonihii Jerúsalemgi nidayiisniiʼ.

Templedi jiníyáago, Jesus éí naaldlooshii nidahaniihgo jiiłtsą́. Jiihóvah bikin biiʼ sohodizin góneʼ, béeso ádeiłı̨́ı̨́ lá! Jesus haajiidzaa? Yéigo háhóóchįįd. Bee atsxis ájiilaago, dibé dóó béégashii chʼízhniníłkaad. Money changers yę́ę bibéeso niʼjįʼ ajiiskaad,  áádóó tables naaʼadziistłʼííd. Hasbídí baa nidahaniihígíí ábijiní: ‘Díi chʼídahohjááh! Shizhéʼé bikin biyiʼ góneʼ tʼáadoo naʼiiniih bá nahosołʼání!’

Templegi Jesus ádzaaígíí bikʼee hoł adahóóyóí. Hódahoołʼaahii éí Mesáíyah kódoonííł haʼnínę́ę béédajoolniiʼ: ‘Jiihóvah bikin tʼáá íiyisíí baa hą́ą́h nisingo bíneeshdlı̨́.’

33 C.E. yihah góneʼ Jesus templedi náánádzáago doo dahodósinii chʼízhneełkaadgo baa nízdiidzá. Hazhéʼé bikin doo bił danilínígíí doo bá hojisʼą́ą da.