Ánihiilaii éí nihiláahdi bibee hódzą́ hólǫ́. Azhéʼé ayóíʼóʼóʼnínígi átʼéego God nihaa áhályą́. Bí tʼáágééd tʼáá nihí ádaa áhwiilyą́ą dooleełígi doo niheediníʼą́ą da. (Jeremiah 10:23) Áłchíní yázhí bizhéʼé dóó bimá booʼishígi átʼéego nihí ałdóʼ tʼááʼáníiltso God nihooʼish doo daniidzin. (Isaiah 48:17, 18) Diyin God Bizaad bikʼehgo oodááłgo nihooʼishígíí God nihainílá.​—2 Timothy 3:16 yííníłtaʼ.

Jiihóvah bibee hazʼáanii dóó bikʼehgo oodááłígíí nanihinitingo niheʼiinaʼ kʼad nizhónígo yiiltʼih, áko binahjįʼ haitʼéego náasdi hoolʼáágóó nihí dadooleełígíí nihaa doolyééł. God ánihiilaaígíí biniinaa nihá hooʼááłígíí baa ahééh niidzingo bikééʼ yiidááł doo.​—Psalm 19:8, 11; Revelation 4:11 yííníłtaʼ.

Diyin God Bizaad bikʼehgo oodááłígíí éí tʼááʼáłahíjįʼ chodaaʼı̨́ dóó tʼááʼaaníigo ádaatʼé. Ákondi, beehazʼáanii éí łahda doo tʼáá ałtsojįʼ chodaaʼı̨́į da łeh. (Deuteronomy 22:8) Haitʼéego niheʼiinaʼ naatʼiʼígi Diyin God Bizaad bikʼehgo oodááłígíí choiniilʼı̨́įgo nihinitsíkees bee bikʼidiʼyiitįįh doo. (Proverbs 3:21, 23) Diyin God Bizaad naʼnitingo éí God iiná nihainílá ní. Áko díí binahjįʼ nihighangi, nihinaanishgi, dóó chʼaaneedáágóó nihaa áhályą́. Áko ádaa siitiʼgo neidáh.​—Acts 17:28 yííníłtaʼ.

Naakigo tʼáá íiyisíí ílı̨́įgo bikʼehgo oodááłígíí éí niheʼiinaʼ bikʼehgo nihooʼish dooígíí hólǫ́. Áłtséhígíí éí bééhózínígo bílaʼashdlaʼii íiyisíí yinahjįʼ hiná​—éí God bééhojísin doo, ayóíʼájóʼníi doo, dóó doo biniʼjiloʼgóó bánjilʼaʼ doo. Áko díí bee tʼááʼałtso dahidiikááhígóó bee hashtʼeʼ  ntsídahidiikees doo. (Proverbs 3:6) Tʼáá háíshı̨́ı̨́ díí hajéí bíjółtąʼgo éí God bikʼis jidooleeł, yéigo ił hózhǫ́ dóó iiná doo ninítʼiʼii hwí dooleeł.​—Deuteronomy 11:1 yííníłtaʼ.

Naaki góneʼ bikʼehgo oodááłígíí éí diné bił kʼé ahididiiʼniiłígi nihíkáʼanálwoʼ doo. (1 Corinthians 13:4-7) Áko díí ałdóʼ bee God bílaʼashdlaʼii yił naalnishígi átʼéego nihí ałdóʼ beʼiilʼı̨́į doo.​—Matthew 7:12; 22:39, 40 yííníłtaʼ.

Diyin God Bizaad bikʼehgo oodááłígíí éí hooghan nidahazʼą́ą́góó haitʼéego ayóíʼíʼóʼní bee łáʼí ídlı̨́įgo yee neinitin. (Colossians 3:12-14) Áádóó ałdóʼ nihaa áhályą́ągo díí yee náʼnítin—ílı̨́įgo ahéʼéskéhígíí doo nidootʼihgóó yee hasʼą́.​—Genesis 2:24 yííníłtaʼ.

Diyin God Bizaad binaʼnitin bikʼehgo yiidáałgo éí nihinaalyé bee hiniiʼnánígíí dóó nihíníʼ siʼą́ągi baa áhwiilyą́ą doo. Kǫ́ǫ́ łaʼ átʼéegi, bánidaʼanishii łaʼ Diyin God Bizaad bikʼehgo oodááł yinahjįʼ hináago doo bindaʼadloʼígíí, dóó ayóó ndaalnishígíí deenízin. (Proverbs 10:4, 26; Hebrews 13:18) God Bizaad ałdóʼ díí yee nanihinitin, bee dahiniiʼnáanii baa nihił dah hózhǫ́, ákondi naalyéhé biláahdi God nihikʼis nilínígíí nihił nilı̨́įgo íníilzin doo.​—Matthew 6:24, 25, 33; 1 Timothy 6:8-10 yííníłtaʼ.

Diyin God Bizaad bikʼehgo oodáałii beʼiilʼı̨́įgo nihitsʼíís doo bąąh téeh da doo. (Proverbs 14:30; 22:24) Kótʼéego łaʼ, iłnahonidoh éí God doo yee hasʼą́ą da, áko bikʼeh honiilʼı̨́įgo nidaʼałtseedgo naałniih dóó adlą́ągo atídaʼałʼínígíí yitsʼąąh nihaa áhályą́. (Proverbs 23:20) Jiihóvah éí wáin doodlı̨́įłgo yee hasʼą́ ndi baa hojíyą́ągo tʼéii chijoołʼı̨́į doo. (Psalm 104:15; 1 Corinthians 6:10) Diyin God Bizaad bikʼehgo oodáałii éí doo íitʼįįłígi tʼéiyá nanihinitingo yee nihíkáʼanálwoʼ da, ntsííkeesígi ałdóʼ. (Psalm 119:97-100) Tʼááʼaaníí Oodlání éí doo tʼóó bíkáʼádoowoł biniyé tʼéiyá God bibee hazʼáanii dee dísin da. Biniyé ádaatʼínígíí éí Jiihóvah dee dísingo bił danilı̨́.​—Matthew 5:14-16 yííníłtaʼ.