BÍHWIIDOOʼÁŁÍGÍÍ 5
God Bikʼis éí Kéyah Tʼáadoo Bee Honóoshónígi Kééhatʼı̨́į Doo
Kéyah Tʼáadoo Bee Honóoshóní éí kʼad díí kéyah tʼáá siʼą́ą́ ńtʼę́ę́ átʼéhígíí doo nahalin da doo. Achʼį ándahaztʼiʼ dóó yínííł, adiniih dóó tiʼhooʼnííh, díí God nihookááʼ tʼáá siʼą́ą́ ńtʼę́ę́ tsʼídá doo yáyinízinda ńtʼę́ę́ʼ. Náás hodeeshzhiizhgóó, God nihookááʼ tʼáá siʼą́ą́ ńtʼę́ę́ tʼáadoo bee honóoshónígo íidoolííł. Haash hootʼéedoo Kéyah Tʼáadoo Bee Honóoshónígi? Ííshją́ą́ shı̨́ı̨́ Diyin Bizaad haʼátʼííní:
Bílaʼashdlaʼii yáʼátʼééhii. Kéyah Tʼáadoo Bee Honóoshónígi éí God bikʼis dabighan doo. Tʼáadoo leʼé yáʼátʼééhii ahidiníłnáago ałháʼádeiłʼı̨́į doo. God bikʼehgo tʼááʼ ákogi átʼéii ádaʼoolniłígíí yikʼehgo dahiináa doo.—Proverbs 2:21.
Chʼiyáán tʼóóʼahayóí doo. Kéyah Tʼáadoo Bee Honóoshónígi doo dichin hasin da dooleeł. Diyin Bizaad ání: “Dziłghą́ąʼdi álástsiiʼ [chʼiyáán] tʼóóʼahayóigo kʼidoolyáhígíí hanootʼą́ągo.”—Psalm 72:16.
Hooghan da nizhóní doo dóó naʼanish baa hózhǫ́ǫ doo. Kéyah Tʼáadoo Bee Honóoshóní bikááʼgi, tʼááʼałtso hooghan bił nahazʼánígíí éí tʼáá bí bighan dahólǫ́ǫ doo. Tʼááʼaaníí ił hoshóonii naanish tʼááʼ ájíłtso ádajiłʼı̨́į doo.—Isaiah 65:21-23.
Kéyah tʼáá siʼą́ą́ ńtʼę́ę́ʼ hodéezyéél. Diné doo ałkʼinéijah da doo, dóó ánaaʼ bitsʼą́ą́dę́ę́ʼ doo anoonééł da doo. God Bizaad ání: “[God] anaaʼ dahólónę́ę ánéísįįd.”—Psalm 46:8,9.
Atʼah yáʼáhootʼééh. Diyin Bizaad ádeehadoodzííʼ: “Áádóó kééhatʼínígíí [Kéyah Tʼáadoo Bee Honóoshóní] doo łaʼ daastsaah didooniił da.” (Isaiah 33:24) Ałdóʼ, naaljı̨́ı̨́dí doodaiiʼ doo daʼooʼíinii doodaiiʼ bijédaahkałii doodaiiʼ doo yádaałtiʼii doo łaʼ hólǫ́ǫ da doo.—Isaiah 35:5, 6.
Adiniih, yínííł dóó anoonééł ndootʼi. God Bizaad ání: “Ániné ádin doo, áádóó atínáhodindleeh ádin doo, áádóó cha ádin doo índa adiniih ádin doo, háálá áłtséédą́ą́ʼ dahółónę́ę bił yóóʼahóóyá.”—Revelation 21:4
Diné doo yáʼátʼéehii ádin doo. Jehovah ádeehadoodzííʼ: “Ndi diné doo yáʼádajíshóonii éí kéyah bitsʼą́ąjįʼ áhodiʼdooldįįł, índa ninádaʼdiiʼaahii kéyah bitsʼáhodiʼdooʼnił.”—Proverbs 2:22.
Diné ahidiníłnáago ayóóʼádaʼahijoʼníi doo dóó ałhaa dastiʼ doo. Doo tʼáá ákogi átʼéii, ade ádahósinii, ił hátsoh, dóó ajoodlá ádin doo. Diné tʼááłáʼí idlı̨́įgo dóó God bi tʼáá ákogi átʼéii ádaʼoolʼįįłii bił aheełtʼéego ntsídakees doo.—Isaiah 26:9.
