Tʼáá akʼis óólzin doogo, tʼáá ákónéehee bił yájíłtiʼ doo. Éí jíistsʼą́ą́ʼ doo dóó bí hwíitsʼą́ą́ʼ doo. Náánáłaʼ bichʼįʼ ałdóʼ nikʼis tʼáadoo leʼé yáʼátʼééhíí bee baa hadíídzih. God bikʼis jilı̨́įgo ałdóʼ tʼáá ákótʼé. Díí Diyin Bizaad yee haadzíígíí nabikʼitsinkees:

Jiihóvah tʼáá ahą́ą́h bichʼįʼ yáníltiʼ sodizin bee. “Tʼááʼáłahjįʼ sodadołzin.”—Romans 12:12.

Diyin Bizaad yííníłtaʼ. “Diyin God bizaad bee akʼeʼashchíiinii tʼááʼałtso Diyin God ił halneʼgo bee akʼedaʼashchı̨́; éí naʼntin biniyé, adidooteh biniyé, kʼéhézdon ninádoodlóós biniyé.”—2 Timothy 3:16.

Náánáłaʼ God bee nanítin. “Éí bąą nihílááh, ałʼąą dineʼé tʼááʼałtso ídahoołʼaahii danilı̨́įgo ádaahłeʼ, . . . bee nihichʼįʼ hahásdzíʼę́ę tʼááʼałtso yikʼeh dahółʼı̨́į dooleełgi bee ndanohtin.”—Matthew 28:​19, 20.

 God bikʼis danilíinii bichʼįʼ tʼáá áhánígo íʼdiʼdiilnííł. “Diné dahóyáanii bił jookahii éí hojíyą́ą doo.”—Proverbs 13:20.

Kingdom Hallgi áłah nádleehgo yah anandááh. “Áádóó haaʼíshąʼ ayóóʼádaʼííníiʼníigo índa naanish yáʼátʼéehii baa neiikaigo ałkʼindeiildzilgo ahídaniidlı̨́į doo, . . . ahił yadahoniidlįįh doo.”—Hebrews 10:​24, 25.

Nahatʼáʼ bił Hazʼą́anii binaʼanishígíí bee ákáʼanánilwoʼ. “Tʼááłáʼí jinítínígo hániʼdii bee hashtʼeʼntsízníkéezii bikʼehgo [aa jílée] doo, tʼáá bił tʼą́ą́ʼ astı̨́įgo, doodaiiʼ bíhodiʼnilchéehgo éí dooda, háálá hoł hózhǫ́ǫgo tʼáadooleʼé aa jiiníiłii éí Diyin God ayóóʼáhóʼní.”—2 Corinthians 9:7.