Jesus Christ éí Jiihóvah Biyeʼ nilı̨́ dóó tsʼídá aláahdi áhánígo, ayóó bił nilíigo bikʼis. Tʼahdoo nikookááʼgi hastiin yileeh yę́ędą́ą́ʼ. Jesus yáʼąąshdi kéhatʼı̨́įgo níłchʼi hiináanii ayóó ábóodziilii nilı̨́ı̨́ ntʼę́ę́ʼ. (John 17:5) Áádóó nikookááʼjįʼ níyá éí tʼááʼaaníínii God baa haneʼígíí diné yee neidínóotı̨́ı̨́ł biniiyé. (John 18:37) Bí ałdóʼ niʼiidzííh dóó anoonééł bitsʼą́ą́dę́ę́ʼ bílaʼashdlaʼii bikʼedahółʼı̨́nígíí yisdéidoonił biniiyé beeʼiinaʼ ninéidiniʼą́. (Romans 6:23) Jesus éí kʼad God Binahatʼaʼ bił Hazʼáanii biNaatʼáanii nilı̨́, díí yáʼąąshdę́ę́ʼ nahatʼáago nihookááʼ tʼáá siʼą́ą́ ńtʼę́ę́ʼ Kéyah Tʼáadoo Bee Honóoshóní íidoolííł.—Revelation 19:16.

Níłchʼi ndaalʼaʼí ałdóʼ God dabikʼis. Nihookááʼgi éí niłchʼi ndaalʼaʼí beeʼiinaʼ doo bílaʼashdlaʼii danilı̨́įgo hahoolzhiizh da. Bí éí yáʼąąshdi ádabiʼdilyaa, tʼahdoo God nihookááʼ tʼáá siʼą́ą́ ńtʼę́ę́ʼ íílééh yę́ędą́ą́ʼ. (Job 38:​4-7) Nílchʼi ndaalʼaʼí mííltsoh ahą́ą́h nániilyá ánéeltʼeʼ. (Daniel 7:10) Díí yáʼąąshdi God dabikʼisígií éí tʼááʼaaníínii Jiihóvah baa haneʼígíí diné yídahwiidoołʼááł yá deinízin.—Revelation 14: 6, 7.

God ałdóʼ nihookááʼgi bikʼis hólǫ́; bi éí Shádahalneʼí yiłní. Aadahwiinítʼı̨́ı góneʼ ooʼı̨́įníí éí háíshı̨́ı̨́ doodaiiʼ haʼátʼíi da baa bił bééhózingo éí yaa hodoolnih. Jiihóvah dóó yee hodeezʼáníí bił béé dahózinígíí éí Jiihóvah Yá Dahalneʼé náánáłaʼ yee yił dahalneʼ. (Isaiah 43:10) Níłchʼi ndaalʼaʼí nahalingo, díí Dahalneʼíí nihíkáʼanídaalwoʼgo tʼááʼaaníínii Jiihóvah baa haneʼígíí bíhwidííłʼááł danízin. Ni ałdóʼ God bikʼis díílééł danízin.