Jiihóvah éí áłtsé asdzání áyiilaaígíí éí Íiv wolyé, áko díí Ádam beʼasdzą́ą́ íidoolííł biniyé yichʼįʼ yił níʼáázh.​—Genesis 2:21, 22.

Jiihóvah éí díí tʼáá ájíłah hantsíkees dóó hatsʼíís tsʼídá doo haadayitʼéégóó áyiilaa.

Íídendi dáʼákʼeh hózhónígo hazʼą́ągi haghan​—tooh danilı̨́ dóó tsin bineestʼąʼ dóó naaldlooshii hólǫ́ǫgo tsʼídá yéigo bee honóoshóní ńtʼééʼ.

Jiihóvah nahaneeztą́ą́ʼ, ákóndi jíistsʼą́ągo tʼéiyá hoolʼáágóó nahasdzáán ayóí áhonóolingo bikááʼ jiináa doo ńtʼééʼ.

Jiihóvah éí Ádam dóó Íiv díí tʼááłáʼí tsin bineestʼąʼ sikaadígíí yichʼįʼ ííshjání áyiilaa, áádóó áháłní díí bąąhdóó ooyą́ąʼgo éí tʼááʼaaníí dadootsaał.

Diyin nidaalʼaʼí łaʼ God bitsʼą́ąjįʼ náhaayá éí Séítan biyoochʼíidii nilı̨́.

Séítan éí Ádam dóó Íiv Jiihóvah doo yikʼeh hodoołʼįįł da nízin. Áko tłʼiish choyoosʼįįdgo Íiv áyidííniid díí tsin bineestʼąʼ bąąhdóó ííníyą́ągo éí doo dadíítsaał da, ndi Godgi ánítʼée doo. Ákóndi díí éí yoochʼííd átʼé.​—Genesis 3:1-5.