Daníistsʼą́ʼígíí tʼáá íídą́ą́ʼ bił béédahózinígíí baa ntsídííkos. Baa yáníłtiʼígíí tʼáá íídą́ą́ʼ bił bééhózin ndi, łah átʼéego bee bił chʼínááhodííʼááł. Áko éí bee bíká adíílwoł.

Naniłkaah áádóó naabikʼísíníłkees. Haneʼ doo ayóó bił béédahózinígíí áádóó kʼad nihináágóó ádahodooníłígíí tʼahdoo diné yaa dahodiitsʼı̨́ı̨́hígíí choiníłʼı̨́įgo bee naʼnítin. Éí baa chʼíhodííʼáłígíí, haitʼéego bił ahídéétʼiʼgo áłtsé hazhóʼó baa ntsídííkos.

Baa nahwiilneʼígíí haitʼéego diné choidoołʼįįłgo ádíílííł. Daníistsʼą́ʼígíí bidaʼiinaʼ éí Diyin Bizaad yee naʼnitinígíí haitʼéego bíká adoolwołgo bee bił ííshjání ádíílííł. Diyin Bizaad biyiʼdóó ádahoodzaaígíí, dóó nitsídahodeeskéézígíí, doodaiiʼ ádahóótʼįįdígíí, éí daníistsʼą́ʼígíí beʼiinaʼ bił ahídadéétʼiʼgo bił baa nídíítʼįįł.