Łaʼda bił ahééhojoolzįįhgo éí “Háinílyé?” bidiiʼniih. Diyin háinílyé bidiiʼniidgo, haʼátʼíí didooniił?

“Shí Bóhólníihii [Jiihóvah] nishłı̨́; tʼáá éí shízhiʼ.”—Isaiah 42:8.

Diyin tʼáá bí bízhiʼ ílı̨́įgo yaa nitsékees. Doo háida bízhiʼ bá áyiilaa da, tʼáá bí bízhiʼ ádá áyiilaa. Jiihóvah ání: “Díí shízhiʼgo ahoolʼáa doo, índa náás adideezhchı̨́ı̨́góó tsʼídá bee shééhániih doo.” (Exodus 3:15) Ayóó Átʼéii, Azhéʼé, Bóhólníihii, doodaiiʼ Diyin bidiʼníigi bee biʼdójíigi éí Diyin bízhiʼjígo aláahdi Diyin Bizaad biiʼ daasdzoh. Áádóó yízhí Éíbraham, Mózes, David doodaiiʼ Jesus ndi ałdóʼ biláahdi Diyin bízhiʼ biiʼ daasdzoh. Áádóó ałdóʼ Jiihóvah éí shízhiʼ bééhoʼdílzin doo nízin. Diyin Bizaad ání: “Áko nahasdzáán bikááʼgóó tʼáá níłtéél nítʼééʼ tʼáá ni tʼéiyá, Jiihóvah yinílyéhígíí, Aláahgo Ayóóʼátʼéii nílı̨́įgo diné bił béédahózin leʼ.”—Psalm 83:​18, New World Translation. *

Jesus éí Diyin bízhiʼ ílı̨́įgo yaa nitsékees. Jesus éí kótʼéego sodadoołzin doo níigo yee naʼneeztą́ą́ʼ, éí Our Father doodaiiʼ Lordʼs Prayer wolyéego bee bééhoʼdílzin: “Nízhiʼ diyingo óolzin.” (Matthew 6:9) Jesus éí kóníigo Diyin yichʼįʼ sodoolzin: “ShiTaaʼ, nízhiʼ ayóó átʼéego ánílééh.” (John 12:28) Jesus éí Diyin bízhiʼ yaa haniihgi áłtsé áyósin ńtʼééʼ, áko kóníigo sodoolzin: “Nízhiʼ bee bił hweeshneʼgo ánítʼéii bił béédahózingo íishłaa, áádóó tʼáá baa hashneʼ doo.”—John 17:26.

Diyin yéédahósinii éí Diyin bízhiʼ ílı̨́įgo yaa nitsídaakees. Ałkʼidą́ą́ʼ Diyin bidineʼé éí Diyin bízhiʼ bineʼ  aniichéehii áádóó bee yisdáʼiildéehii átʼéego yaa ákódanízin ńtʼééʼ. Jiihóvah “bízhiʼ éí kin niłdzilgo yaaʼáii nahalin, tʼáá ákogi ádaaníiłii éí yineʼ adahinichéehgo nidahadzííh.” (Proverbs 18:10) “Tʼáá háiida Bóhólníihii [Jiihóvah] bízhiʼ bee józhíigo níjooskanígíí yisdáhodoołtééł.” (Joel 2:32) Diyin Bizaad ííshjání ííłʼı̨́įgo éí Diyin bízhiʼ bee bá ndaalʼaʼii bee béédahoʼdílzin doo ní. “Dadineʼé tʼáá ałtso tʼáá bí bidiyin dabidiʼníinii yikʼehgo deíkáah nidi, nihí éí Bóhólníihii [Jiihóvah] nihiDiyin God bízhiʼ dadíníilzinii bee deíníikáahgo ahoolʼáágóó ahóyéelʼáa doo.”—Micah 4:5; Acts 15:14.

Diyin bízhiʼ éí bee bééhoʼdílzin. Ląʼí scholars ádaaníigo éí yízhí Jiihóvah óolyéego éí “Ádeeshłííł Nízinígi Átʼéego Ííłʼíinii.” Diyin Jiihóvah éí bízhiʼ óolyéegi Mózes yichʼįʼ yee haadzííʼ: “Áshtʼínígíí tʼáá éí áshtʼı̨́.” (Exodus 3:14) Hííbrewjí saad bee ájíníigo éí “Tʼáá Shí Deeshłeeł Nisinígíí éí Deeshłeeł.” Diyin éí Íʼiilaii nilı̨́ bidiʼníi ndi, Diyin bízhiʼjígo aláahdi átʼé. Áníigo Diyin tʼáá Bí doodaiiʼ ádayiilaii éí haʼátʼíí shı̨́ı̨́ dadooleełgo Bí íinízinii yee łaʼyidoolííł. Yee sizíinii, bee bóhólníihii, doodaiiʼ bibee adziilii éí tʼóó binahjįʼ bee bééhoʼdílzin, ndi yízhí Jiihóvah éí tʼáá niitʼéiijįʼ yee átʼéii índa dooleełgi yee átʼé.

Yízhí Jiihóvah éí Diyin nihaa nitsékees níigo átʼé. Díí yízhí Jiihóvah áníigo éí Diyin ádayiilaii áłahájįʼ yaa aʼááh nízin, nihí ałdóʼ. Áádóó Diyin éí bízhiʼ bééhózinígo áyiilaago éí shééhodíísįįł nihóʼní. Tʼah doo bízhiʼ nabídíłkidgóó, bídę́ęʼgo áłtsé bízhiʼ yee nihił hoolneʼ. Diyin éí háadi shı̨́ı̨́ hojílǫ́ tʼóó níłchʼi jílı̨́ áádóó doo hakʼidadíʼdiitı̨́įł da, éí díí tʼáadoo kótʼéego shaa nitsídaakeesí nihóʼní. Ndi tʼáá aaníí éí hojílǫ́, áko tʼáá áhánígo bił niidlı̨́į doo nízin.—Psalm 73:28.

Diyin bízhiʼ choiniilʼı̨́įgo bee bééhózingo bééhodeesįįł niidzingo átʼé. Łaʼda nikʼis áníléehgo tʼáá shí shízhiʼ bee shíínízhí bidiʼníi doo. Nízhiʼ doo bee nííníshíi da doo niłníigo bikeeʼ haa nítʼée doo? Áko baa nitsíníkeesgo baa nídidíídááł, díí daatsʼí áhánígo doo shił jílı̨́į da díníizįįł. Diyin ałdóʼ tʼáá ákótʼé. Jiihóvah éí bízhiʼ bílaʼashdlaʼii yee yił hoolneʼ, áádóó chodeinołʼı̨́ nihiłní. Ákwíitʼı̨́įgo éí Jiihóvah áhánígo bił nishłı̨́ niidzingo íitʼı̨́į doo. Jiihóvah éí “bízhiʼ [ílíinii átʼéegi] yaa nitsídaakeesii” yaa ákonízin!—Malachi 3:16.

Diyin bízhiʼ baa íhojiiłʼaahgo éí bééhozhdoosįįłgi tsʼídá áłtsé bee háátʼiʼii átʼé. Ndi doo éí bízhiʼ tʼéiyá baa íhwiidiilʼáał da. Díí yízhí binahjįʼ bee Hoʼdójíigi hazhóʼó bééhodiilzįįł. Haʼátʼéego éí Diyin jílı̨́įgi nihił bééhodoozįįł.