2019 Bee Haʼídéesʼı̨́įʼii bee díí ndaʼídíkidígíísh answer ádadíílííł?

Diyin kótʼéego ádee haadzíiʼgo “bee naʼabaahii niniyé ályaaígíí tʼáá ałtso doo nidídóołniił da,” níigi haʼátʼíí ááhyiłní? (Isa. 54:17)

Deiniidlą́ągo éí ‘diné báádahadzidii nihaatįįh doojahgi’ Diyin nihá yichʼą́ą́h sizı̨́į doo. (Isa. 25:​4, 5) Nihiʼanaʼí éí doo tʼáá hoolʼáágóó atídanihijiłʼı̨́į da doo.—w19.01, pp. 6-7.

Kéínan dineʼé dóó Ízrel dineʼé doo akʼeh dahółʼíinii yę́ę éí Diyin yee tʼáá ákogi éʼétʼéii yee nihwiiʼáanii haitʼéego ííshjání áyiilaa?

Tʼóó baaʼihgo ałhaa nijildeehii doodaiiʼ sáanii índa áłchíní atídajiłʼı̨́įgo bee dajítahígíí Diyin há nihwiizʼą́. Diné bikʼeh dahółʼínígíí dóó aheełtʼéego ałhaa dajoobaʼígíí éí yikʼihasdlí.—w19.02, pp. 22-23.

Doo Jiihóvah Yá Halneʼí nilı̨́ı̨́góó sodoolzingo haa diiʼnííł?

Tʼáadoo íitsʼaʼí tʼóó nihił ílı̨́į doo. Doo éí atah “amen” diiʼníi da doo, doodaiiʼ sohodizingo diné daʼahótąʼgo doo atah bílaʼ yíníitąʼ da doo. Tʼáá nihí ádá sodiilzin doo.—w19.03, p. 31.

Áłchíní atélʼı̨́įgo haitʼéego éí tsʼídá yéigo asziihii átʼé?

Áłchíní atélʼı̨́įgi éí atélyaii, Jiihóvah bidineʼé, Diyin nilíinii, índa bílaʼashdlaʼii bibee hazʼáanii doo yáʼátʼéhígi ájiilaii átʼé. Łaʼda éí áłchíní atíyiilaa hodooʼniidgo elders éí siláo yił dahalnih.—w19.05, pp. 9-10.

Nintsíkees ániidígo ánánídléehgo haitʼéego ádoolnííł?

Nihíká adoolwołii ałkééʼ ázhdooníiłii: Jiihóvah bichʼįʼ sodizin. Nabikʼítsíilkeesgo éí nintsékees dóó bee ánítʼéii tʼah doo łah anánídléhígíí bee ádaa ákoniizįįh. Akʼis yáʼádaatʼéehii bił ahéédiikah.—w19.06, p. 11.

Atínihidiʼdoolníiłgo haitʼéego kʼad biniyé hashtʼeʼádíínílzin doo?

Jiihóvah bił kʼé ahidiiʼníigi bidziilgo ádiilnííł. Jiihóvah ayóóʼánihóʼní índa doo yóóʼanihididooʼáał daaígi yiniidlą́ą doo. Tʼáá ákwíí jı̨́ Diyin Bizaad yíníiltaʼ, áádóó tʼáá áłahjįʼ sodiilzin doo. God biNahatʼaʼ tʼáá aaníí bikʼíhodoolzhish dooleełgo átʼéegi yiniidlą́ą doo. Diyin Bizaad biiʼdę́ę́ʼ saad dah naazhjaaʼ łaʼ índa sin bee Jiihóvah baa haʼniihii béénílniihgo áʼdíínílzin.—w19.07, pp. 2-4.

Nihikʼéí yisdádookahgi haitʼéego bee bíká adiilwoł?

Ajoobaʼ ííshjání íilʼı̨́, yáʼátʼéehgo ádeitʼı̨́įgo Jiihóvah bee baa haʼniih, haʼíínílní, índa hazhóʼó yátiʼ.—w19.08, pp. 15-17.

Jesus éí Matthew 11:28gi háádaalyı̨́įhgo ánihideeshłííł níigo haitʼéego ááhyiłní?

Tsʼídá aláahdi yáʼátʼéehgo akʼidéezʼı̨́įʼii, akʼis nilíinii, áádóó binaʼanishii nihee hólǫ́.—w19.09, p. 23.

Íiniidzingi índa ádiiʼníiłgi éí haitʼéego Diyin yee nihíká adoolwoł? (Phil. 2:13)

Diyin Bizaad yíníiltaʼgo nabikʼítsíilkeesgo bee adziil, índa Diyin íinízinii ádeiniidzingo ádeiʼnííł áádóó ádeitʼįįł dooleełgi Diyin yee nihíká análwoʼ. Jiihóvah biníłchʼi diyinii nihíká análwoʼgo yáʼátʼéehgo ádaʼiilʼı̨́.—w19.10, p. 21.

Tʼah doo hodiitʼaahgóó haʼátʼíí áłtsé ádiiʼnííł?

Ashdlaʼgo áʼdoolníiłii: Hazhóʼó naʼiłkaah. Hódzą́ bíká sodilzin. Biniyé ánítʼínígíí hazhóʼó baa nitsíníkees. Tʼáá aaníinii ííshjání ádíílííł. Bíninilʼánígíí bee yilnish.—w19.11, pp. 27-29.

Iiʼ sizíinii haʼníigi, daʼ éísh Séítan, Íiv áyidííniid yę́ęgi áajįʼ nátʼą́ą́ʼ nánítʼiʼ?

Ndagaʼ. Séítan éí Íiv doo dadíítsaał da’ yidííniid, éí háadi shı̨́ı̨́ nááhíʼnáa dooleeł doo yidííniid da. Doo tʼáá aaníí oodląʼ bee naʼnitinii éí Nóah bíyoołkáałgo tó yíląąd yę́ędą́ą́ʼ ałtso nahjįʼ kólyaa. Áko iiʼ sizíinii bee naʼnitinii éí Béíbel holyéedi bílaʼashdlaʼii kin ádeiléehgo Diyin éí bílaʼashdlaʼii tʼah doo nahasdzáán bikááʼ daʼníłtsʼą́ą́ʼgóó taokááhgóó éí íídą́ą́ʼ díí bee naʼnitinii háátʼiʼ.—w19.12, p. 15.