Ndagaʼ, Diyin Bizaad doodaiiʼ history books éí doo ákótʼéego yaa chʼídahwiiʼaah da.

Diyin Bizaad biiʼdóó díí verse translate ádeiłʼı̨́įgo éí Christians tʼóó bee hahoolzhiizhgo Paul biyóołkááł yę́ędą́ą́ʼ łaʼ daneeznánígíí éí łaʼ dahinánígíí bá tó bee dabiʼdoolzı̨́ı̨́ʼ nahalingo translate ádayiilaa. Díí nahalingo: “Daneeznáanii doo tʼáá aaníí náábiʼdiiljeehgóogo haʼátʼíí biniyé łaʼ daneeznáanii bá tó bee dahoʼdilzı̨́ı̨́h?”

Dr. Gregory Lockwood Bible scholar nilı̨́, éí diné, náánáłaʼ diné ádinígíí yá baptize ádabiʼdilneʼ haʼnínígíí éí Diyin Bizaad doodaiiʼ history books doo yikééʼ sizı̨́į da ní. Bible scholar Professor Gordon D. Fee ałdóʼ tʼáá ákóní, éí ákótʼéego diné ádaadin bá tó bee dabiʼdilzı̨́hígíí Diyin Bizaad doodaiiʼ history books ákótʼéego éʼélyaa haʼnínígíí doo yikééʼ sizı̨́į da. New Testament deełnínígíí doo ndi biiʼ da, áko díí early Christians doodaiiʼ churches daalʼaadii ádaadin bikéédóó ndi tʼáadoo ákótʼéego yedaʼiilaa da.

Diyin Bizaad biiʼ Jesus bídahoołʼaahii kóyidííniid: “Éí bąą nihílááh, ałʼąą dineʼé tʼáá ałtso ídahoołʼaahii danilı̨́įgo ádaahłeʼ, . . . tó bee daahsı̨́ı̨́h, áádóó bee nihichʼįʼ hahásdzíiʼii tʼáá ałtso yikʼeh dahółʼı̨́į dooleełgi bee nidanohtin.” (Matt. 28:19, 20) Tʼáá háiida tʼahdoo baptize ábiʼdilnééhgóó áłtsé éí Jiihóvah dóó biYeʼ yaa íhwiidoołʼááł, yiidoodlaał áádóó yikʼeh hółʼı̨́į doo. Áko diné tʼáá íídą́ą́ʼ ádingo éí doo ákódooníił da. Áádóó ałdóʼ Oodlání hinánígíí doo łaʼ bá ákódooníił da.—Eccl. 9:5, 10; John 4:1; 1 Cor. 1:14-16.

Ákoshąʼ Paul haʼátʼíí íiyisíí níí ńtʼééʼ?

Łaʼ Kórinth dineʼé daneeznáanii éí doo náábiʼdidooljah da daaníí ńtʼééʼ. (1 Cor. 15:12) Díí doo ákótʼéégóó bikʼidaʼjidiitánígíí Paul hoł ííshjánígo áyiilaa. Haitʼéego? Éí tʼáá ákwíí jı̨́ shidiyoołhéełii hólǫ́ ní, ákondi díí éí yoodlą́. Dasétsą́ą ndi, tʼáá Jesus nahalingo yáʼąąshgóó nááshidiʼyoolzááł ní.—1 Cor. 15:30-32, 42-44.

Kórinth dineʼé anoint ádaalyaaígíí tʼáá ákwíí jı̨́ achʼįʼ nahwiiʼná hadáahgi doo, áádóó ádin dadooleełgo índa náábidiʼdooljahgo hazhóʼó bikʼidajidiʼdootı̨́ı̨́ł ńtʼééʼ. Áko ‘Christ Jesus bee dahoʼdoolzı̨́įʼgo’ áádóó ‘daʼatsaah ałdóʼ bee dahoʼdoolzı̨́įʼ doo.’ (Rom. 6:3) Áko díí áhyiłnínígíí éí tsʼídá tʼáá Jesus bichʼįʼ nahwiisnááʼ dóó ájídingo yáʼąąshgóó náábiʼdiilzáhígi átʼéego áhyiłní.

Jesus tó bee biʼdoolzı̨́ı̨́ʼ bikéédóó díkwíida nááhaigo daalʼaadii naakigo kóyidííniid: “Bee shidiʼdoolzįhii lá bee nihidiʼdoolzįh ni.” (Mark 10:38, 39) Ákweʼé Jesus tó bee biʼdiilzı̨́hígíí doo yaa yáłtiʼ da. Ndi God joodlánígíí biniinaa éí ádin jidooleełgo áhyiłní. Paul éí anoint ádabiʼdilyaaígíí éí ‘Christ yił tidaʼhooníih doo, dóó yee ayóó átʼéii yił ałtsʼą́ą́ʼ daʼniłkʼiiz doo’ dííniid. (Rom. 8:16, 17; 2 Cor. 4:17) Áko éí ádaadin bikéédóó yáʼąąshgóó náádabidiʼdooljah.

Áko Paul díí átséedi yee haadzííʼ yę́ę díí átʼéego áhyiłní: “Éí doo dago aniné biniyé łaʼ bee dahoʼdilzı̨́hígíishąʼ haa dadooniił? Daneeznáanii doo tʼáá aaníí náábiʼdiiljeehgóogo haʼátʼíí biniyé łaʼ aniné bee dahoʼdiilzı̨́ı̨́h?”