NAALTSOOS Matthew biiʼdóó, díí deiyíníiltaʼ: “Jesus éí Diyin God bikin biiʼ sohodizin bił hazʼą́ą́ góneʼ yah ajííyáago, ákóneʼ baa nidaʼiiniihígíí índa nidaʼiiłniihígíí chʼízhniníłkaad, áádóó bikáaʼgi béeso ałgháádaʼaʼnilii índa hasbídí baa nidahaniihii yikááʼ dah naazdáhígíí naaʼadziistłʼííd. Áko ábijiní, Jó, bee akʼeʼashchı̨́, Shikin éí kin biiʼ sohodizin wolyée doo, nítʼééʼ nihí aghadaʼiiʼníiłii beʼaʼáán ádaahłaa lá.”—Matthew 21:12, 13.

Kin biiʼ sohodizin góneʼ nidaʼiiniihí, éí diné baa nidaʼiiłniihígíí tʼáá biláahgo béeso yídayókeed. Hasbídí doo daʼílı̨́ı̨́góó, diné baa dahojoobáʼígíí éí Jiihóvah yichʼįʼ náádaʼiiłniih. Ákondi, ałkʼidą́ą́ʼ Jew dineʼé yikʼedaʼashchínígíí éí first century yę́ędą́ą́ʼ, denar naaki hasbídí bee nidahajiiłniih ńtʼééʼ. Áko tʼáá háiida naadiin ashdlaʼ jı̨́ bikʼeh nijishnishgo, béeso haiyiiʼnilígíí bee naaki hasbídí nijiisniiʼ. Hasbídí ayóo ílı̨́ silı̨́įʼgo, biniinaa baa dahojoobaʼí doo yídaneelʼą́ą da silı̨́ı̨́ʼ. (Leviticus 1:14; 5:7; 12:6-8) Éí Rabbi Símiyan ben Gaméíliyel bikʼeh báhóóchįįd. Áko nááhániihii ádeiłʼínę́ę, yaa áyiilaa. Tʼáadoo hodiinaʼí, tʼáá háiida tááʼ ahééʼílkidjįʼ nijishnishgo, éí bee naaki hasbídí nijiisniiʼ.

Tʼáá bééhózinígo, baa nidaʼiiniihígíí éí bíchą́ yízhdeelniʼ dóó yindaʼaloʼ. Éí biniinaa Jesus daʼniʼįįhii yiłní.