1. Haitʼéego nihił bééhózingo éí “nihoogháahjįʼ yoołkáałgo” bílátah dahashzhiizhdi kééhwiitʼı̨́?

NÍÍSH 1914dóó wóshdę́ę́ʼ yihahgo niʼdizhchı̨́? Ákotʼéego éí díí ‘nihoogháahjįʼ yoołkááł’ haʼnínígíí biiʼ níyoołkááł. (2 Tim. 3:1) Jesus éí kódahootʼée doo níigo yaa chʼíhoníʼánę́ę tʼáá áníiltso baa dahodiitsʼaʼ. Díí éí anaaʼ, dahodichin, niʼ nídahidiʼnááh, naałniih, bee hazʼáanii hatíihgi tʼóó tséʼádin áhoonííł, índa Jiihóvah bidineʼé atélʼı̨́. (Matt. 24:​3, 7-9, 12; Luke 21:​10-12) Áádóó yilʼaadii Paul éí diné kódaatʼée doo nínę́ę tʼáá aaníí diné kódaatʼéego baa ákodaniidzin. (“ Kótʼéego Ooldah” níníłʼı̨́.) Jiihóvah bá naalʼaʼí niidlı̨́įgo éí tʼáá aaníí díí “nihoogháahjįʼ yoołkáałgo” bílátah dahashzhiizhdi kééhwiitʼı̨́.—Mic. 4:1.

2. Haʼátʼíí baa nitsíikees doo?

² 1914dóó wóshdę́ę́ʼ kʼad nizaagóó yoołkááł. Áko díí “nihoogháahjįʼ yoołkáałgo” bílátah dahashzhiizhdi kééhwiitʼı̨́. Díí nihodoogááł áyídídę́ę́ʼ hoolzhish, áko díí naʼídíkid baa nitsíikees doo: Díí nihoogháahjįʼ ahoolzhiizhgo haʼátʼíí ádahooníił doo? Díí ádahooníiłgo Jiihóvah éí haʼátʼíí ádadiiʼnííł nihóʼní?

3. 1 Thessalonians 5:​2, 3 bikʼehgo bílaʼashdlaʼii binaatʼáanii haʼátʼíí daaníi doo?

³ Diyin Bizaad ání: “Háálá tʼáá nihí nihił béédahózin, tłʼéeʼgo aniʼįįhii yígháhígi átʼéego Jiihóvah bijı̨́ beidoołkááł,  áko diné, Hashtʼehodítʼée yeeʼ áádóó yáʼádahootʼééh, daaníi ndi tʼáadoo hooyání bee íʼdooldįįłii bikʼi hwiidooleeł, asdzání iʼniiłchíihgo bił náhodíníigahígi átʼéego, áko tsʼídá tʼáadoo bee yisdáhóótʼiʼí da doo.” (1 Thess. 5:​2, 3, New World Translation) Yilʼaadii Paul éí “Jiihóvah bijı̨́ beidoołkááł” ááhyiłnínígíí éí doo tʼáá aaníí oodląʼ dah yikahígíí “Bábilan ayóó átʼéii” bidiʼníinii bikʼi iidoojahgo bee hahodoolzhish, áádóó Armagédan bee nidootʼih. (Rev. 16:​14, 16; 17:5) Bábilan ayóó átʼéii tʼah doo bikʼiʼiijeehgóó éí bílaʼashdlaʼii binaatʼáanii kódaaníi doo, “Hashtʼehodítʼée yeeʼ áádóó yáʼádahootʼééh.” Bílaʼashdlaʼii binaatʼáanii éí ahidiniłnáago kʼé ndahadleehgo kótʼéego saad yee hadaadzih. * Ndi Diyin Bizaad éí “hashtʼehodítʼée yeeʼ áádóó yáʼádahootʼééh” níigi éí kódajinínígíí doo éí yeinítʼı̨́į da. Bílaʼashdlaʼii binaatʼáanii kódaaníigo éí diné tʼáá aaníí tʼáá náhwiistʼą́ą́ ńtʼééʼ kʼé nídahasdlı̨́ı̨́ʼ danízin doo. Ndi tʼáá aaníigo éí ‘tʼáadoo hooyání bee íʼdooldįįłii hakʼi hwiidooleeł’ áádóó bikʼijįʼ éí “great tribulation” hadootʼih.—Matt. 24:21.

4. (a) “Hashtʼehodítʼée yeeʼ áádóó yáʼádahootʼééh” dahaʼníigi haitʼéego áhodoonííł? (b) Ndi haʼátʼíí éí tʼáá íídą́ą́ʼ nihił béédahózin?

⁴ Bílaʼashdlaʼii binaatʼáanii éí “Hashtʼehodítʼée yeeʼ áádóó yáʼádahootʼééh” daaníigi éí haitʼéego hadeidoołtʼih áádóó haitʼéego yee hadadoodzihgi doo bééhózin da. Tʼáá ahíłkééʼ doodaiiʼ tʼááłáhídi daatsʼí bee haʼdoodzih. Ndi nihił béédahózingo éí: Bílaʼashdlaʼii binaatʼáanii kʼé nidahasdlı̨́ı̨́ʼ daaníigo éí doo yóóʼadanihidínóoʼah da. Áko kóhodiʼdooʼniiłgi bíká íísíníłtsʼą́ą́ʼ nihidiʼní. Háálá kóháʼníigo éí ‘Jiihóvah bijı̨́ beiníłkánígíí’ bee hahoolzhiizh doo!

5. 1 Thessalonians 5:6 éí ‘Jiihóvah bijı̨́ beiníłką́ągo’ haitʼéego biniyé hashtʼeʼíʼdííníilzin doo nihiłní?

⁵ Paul éí ‘Jiihóvah bijı̨́ beiníłką́ągo’ kótʼéego biniyé hashtʼediniitʼée doo ní, “Łaʼ ádaatʼínígi átʼéego tʼáadoo tʼóó daʼiilwoshí doo, ndi hadaʼísídíilʼı̨́įʼgo hazhóʼó nitsídeiikees doo.” (1 Thess. 5:​6, NW) Bílaʼashdlaʼii binahatʼaʼ bił nidaaztʼiʼii tʼáadoo bee akééʼ ninéilwoʼí doo. Ákwíitʼı̨́įgo éí “nihokááʼ bił nidahaztʼiʼii nihił” bidáhoneeníigo ádiilnííł. (Jas. 4:4) Nihił béédahózingo God biNahatʼaʼ tʼéiyá tʼáá ałtsogóó kʼé náhodoodleełgo íidoolííł.

6. Haitʼéego diné bíká adiilwoł, éí haʼátʼíí biniyé?

⁶ Doo tʼáá nihí tʼéiyá haʼiilzíid da doo. Áhodooníiłgi Diyin Bizaad yaa chʼíhwiizʼánę́ę éí diné bee bił hwiilneʼgo bí ałdóʼ yee haʼasíid doo. Great tribulation tʼáá bee hahoolzhiizhí éí łaʼda  Jiihóvah bá naashʼaʼ doo niizı̨́įʼgo doo bá bohónéedzą́ą da doo. Éí bąą díí nahaneʼígíí ayóó ílı̨́! *

7. Jiihóvah éí kʼad haʼátʼíí ádadiiʼnííł nihóʼní?

⁷ Díí “bijı̨́” hadootʼihjįʼ áyídí hadziih, áko Jiihóvah éí díí nahaneʼ yéigo bideínółníísh nihiłní. Áko éí “tʼáá áłahjįʼ tʼááłáhígi átʼéego Bóhólníihii bá” nideilʼaʼ doo. (1 Cor. 15:58) Nihoogháahgo Jesus éí kótʼéego ádaʼdoołííł nihiłní. Éí “dineʼé tʼáá ałtso haneʼ yáʼátʼéehii áłtsé tsʼídá bee bił dahodoonih.” (Mark 13:​4, 8, 10; Matt. 24:14) Baa nitsíníkees: Tʼáá áłahjįʼ nahólneʼgóó nídídáahgo éí díí Diyin Bizaad yaa chʼíhoníʼánę́ę ni ałdóʼ łahdóó bohoolníiłgo áálíiłgo átʼé!

8. Nahaneʼgi haitʼéego bee kʼeeʼąą yitʼih?

⁸ God biNahatʼaʼ baa nahaneʼgi haitʼéego baa ákonínízin? Tʼáá nináháhááh bikʼeh díí biʼoonishgi kʼeeʼąą áánííł. Nihooghááh biiʼ yoołkáałgi éí God biNahatʼaʼ yaa nidahalneʼii kʼeeʼąą yilzhish. 1914 yę́ędą́ą́ʼ 43 daakéyahgóó 5,155 nidahalneʼé dahólǫ́ǫ́ ńtʼééʼ. Kʼad éí 240 daakéyahgóó 8.5 million nidahalneʼé dahólǫ́! Díí nahaneʼgi biʼoonishígíí tʼah doo ałtso da. God biNahatʼaʼ yéigo baa nahwiilneʼ doo, háálá éí bee achʼįʼ nidahwiiʼnáanii hashtʼeidoolííł.—Ps. 145:​11-13.

9. Haʼátʼíí biniyé tʼáá nahwiilneʼ doo?

⁹ Jiihóvah kʼadí nihidííniidjįʼ nidahwiilneʼ doo. Jiihóvah índa Jesus bééhodeesįįł danízinii haa nízaajįʼ bá hazʼą́ kʼad? (John 17:3) Éí doo bééhózin da. Ndi great tribulation tʼáadoo bee hahalzhishí éí “iiná doo ninítʼiʼii yíká ádaatʼı̨́ı̨́” lá hwiinidzinígíí díí nizhónígo baa haneʼii nídazhdidoolééł. (Acts 13:48) Áko éí díí diné tʼah doo bikʼidahwiileehídą́ą́ʼ haitʼéego bíká adiilwoł?

10. Tʼáá aaníinii bee nidíʼnóotı̨́įłgi Jiihóvah haitʼéego yee áká análwoʼ?

¹⁰ Jiihóvah éí tʼáá aaníí bee naʼnitinii bidineʼé dah yikahígíí choyoołʼı̨́įgo bee nidaʼniitin. Éí midweek áłah néidleehgi ídahwiilʼaah. Índa łaʼda baa ídzáago áádóó baa ninááʼídzaago haitʼéego bichʼįʼ chʼíhodootʼáałgi bíhooʼaah. Áádóó Diyin  Bizaad bee naʼnitingi bíhooʼaah. Jiihóvah bidineʼé éí Toolbox Bee Naʼnitinii biiʼdę́ę́ʼ bee niʼdoonishii nihá yisłá. Éí kódaatʼéégóó . . .

• bee haʼdoodzihii,

• bóhoneedlı̨́įgo álʼı̨́,

• ląʼígóó íhwiideeshʼááł nízin doogo bá óolzin,

• tʼáá aaníinii bee naʼnitin, áádóó

• nihiwebsite dínííłʼįįł doodaiiʼ nihiKingdom Halldi díínááł bidiiʼní.

Díí bee ndaʼanishii éí doo tʼóó nihá siláa da, choiniilʼı̨́į doo. * Łaʼda nizhónígo bił nahojisneʼgo naaltsoos łaʼ baa niiltsoozgo éí baa nínáániidzáajįʼ yółtaʼ doo. God biNahatʼaʼ baa haneʼ biʼoonishgi tʼáá nihí nihąąh silá éí tʼáá nínádíziʼ bikʼeh nahwiilneʼ doo.

11. Haʼátʼíí biniyé Online Bible Study Lessons ályaa?

¹¹ Náánáłah átʼéego ínááhooʼaah. Éí jw.org^® biiʼdóó Online Bible Study Lessons wolyé. (BIBLE TEACHINGS > ONLINE LESSONS dínííłʼįįł.) Díí haʼátʼíí biniyé ályaa? Tʼáá nínádíziʼ bikʼeh diné tsʼídá tʼóó ahayóí Diyin Bizaad bíhwiideeshʼááł danízingo Internet biiʼ yíkadantá. Díí nihiwebsite biiʼdę́ę́ʼ éí tʼáá aaníigo Diyin Bizaad yee naʼnitingi diné yił ííshjání ííłʼı̨́. Diné bił nahólneʼgóó éí Diyin Bizaad bíhwiideeshʼááł danízingi tʼą́ą́ʼ shı̨́ı̨́ danílı̨́. Diné ákotʼéego díidi website biiʼdóó bił ííshjání ádíílííł, doodaiiʼ website link bichʼįʼda ádíílííł. *

12. Online Bible Study Lessons éí haʼátʼíí bitsʼą́ą́dóó bíhwiidooʼááł?

¹² Online Bible Study Lessons éí díí yee naʼnitin: “The Bible and Its Author,” “The Bible’s Main Characters,” áádóó “The Bible’s Message of Hope.” Díí kótʼéego yee naʼnitin:

• Diyin Bizaad áká adoolwołgi

• Jiihóvah, Jesus, índa diyingo ndaalʼaʼí háí ádaatʼı̨́

• Diyin haʼátʼíí biniyé bílaʼashdlaʼii áyiilaa

• Achʼįʼ nahwiiʼná índa doo yáʼádaashxóonii haʼátʼíí biniyé dahólǫ́

Díí ałdóʼ yee naʼnitin, Jiihóvah éí . . .

• achʼįʼ nahwiiʼná dóó anoonééł haitʼéego niidoołtʼih,

• ádaadinę́ę haitʼéego iiná yaa néidoodlééł, áádóó

• bílaʼashdlaʼii binahatʼaʼ chʼééh ádaatʼįįdii éí haitʼéego Bí biNahatʼaʼ bitséskʼeh niidooʼááł.

13. Online íhooʼaahgo éí łaʼda Diyin Bizaad yee nahonitinígíísh tʼáá éí átʼé? Łaʼ chʼíníʼaah.

¹³ Jesus éí ídahoołʼaahii ádaałeʼ níigo nihąąh niinílá. Ákondi online íhooʼaahígíí doo tʼáá éí átʼée da. Onlinegi íhoołʼaahígíí yaa ahééh nízin áádóó ląʼígóó bínááhwiideeshʼááł nízin shı̨́į łeh. Éí łaʼda hazhóʼó nashidínóotı̨́ı̨́ł niizįįh. Áko éí łaʼda naa nádáahgo nandínóotı̨́ı̨́ł biniyé díí naaltsoos hadílééh nábidiʼniih. Kótʼéego łaʼda nahonitingo áajígo yáʼátʼééh! Tʼáá ákwíí jı̨́ nihiwebsite biiʼ 230dóó baʼaan ánéelą́ą́ʼ diné éí Diyin Bizaad bíhwiideeshʼááł daaníigo dayókeed!

14. Matthew 28:​19, 20 bikʼehgo Jesus ádííniid yę́ę haʼátʼíí ádeiʼnííł, éí haʼátʼíí biniyé?

¹⁴ Matthew 28:​19, 20 yíníłtaʼ. Diyin  Bizaad łaʼda bee naʼniitingo éí ‘íhoołʼaahii nilı̨́į doo, éí Jesus yee nihichʼįʼ hahaasdzíiʼii yikʼeh hółʼı̨́į dooleełgi bee naniitin’ doo. Áko éí Jiihóvah bá naʼaʼaʼ dóó bikééʼ asdzı̨́įgi ílíinii átʼéego yaa ákodínóozįįł. Éí binahjįʼ tʼáá aaníí bee naʼnitinii ádá nízhdidooléełgo bikʼehgóó joogáał doo, Jiihóvah baa ázhdidootʼááł áádóó baptize áhodiʼdoolnííł. Éí tsʼídá kójiidzaago tʼéiyá Jiihóvah bijı̨́ beiníłką́ądi yisdázhdoogááł.—1 Pet. 3:21.

15. Haʼátʼíí doo baa naanish nihiiłhée da doo, éí haʼátʼíí biniyé?

¹⁵ Tʼáá íídą́ą́ʼ chʼétʼą́ągo éí kodóó nihodoogáałjįʼ áyídí hadziih. Áko łaʼda Diyin Bizaad bee naniitinígíí tʼáá bééhózinígo Christ yíhoołʼaahii doo deeshłeeł da nízingo éí doo baa naanish nihiiłhée da doo. (1 Cor. 9:26) Háálá nihinaanish bee yisdáʼiildéehii átʼé! Tʼóó ahayóí diné tʼahdii bił dahodoonihgo átʼé.

16. Revelation 18:​2, 4, 5, 8 bikʼehgo haa dadiiʼnííł? (Footnote ałdóʼ níníłʼı̨́.)

¹⁶ Revelation 18:​2, 4, 5, 8 yíníłtaʼ. Díí áníigo éí Jiihóvah bá ndaalʼaʼí tʼáá ájíłtso Bábilan ayóo átʼéii bitsʼá hizhdookah hóʼní. Łaʼda éí Jiihóvah tʼah doo yééhoosįįh yę́ędą́ą́ʼ éí doo tʼáá aaníí oodląʼ dah yikahígíí bibee ádaʼoolʼįįłii yee atah, éí doodaiiʼ béeso shı̨́ı̨́ yee áká análwoʼ ńtʼééʼ. Áko Diyin Bizaad yíhoołʼaahii éí unbaptized publisher dooleełgo éí díí bee ádaʼoolʼįįłii ałtso nahjįʼ kózhdoolííł. Éí shízhiʼ nahjįʼ háádahdzóóh jiníigo naaltsoos bichʼįʼ ázhdoolííł. Áádóó Bábilan ayóó átʼéii bił nidaaztʼiʼii ałtso nahjįʼ kózhdoolííł. *

17. Naʼanish haitʼéhígíí bitsʼąą ániitʼée doo, éí haʼátʼíí biniyé?

¹⁷ Oodlání jílı̨́įgo éí Bábilan ayóó átʼéii bił nidaaztʼiʼii éí honaanishígíí doo bee bíká anijílwoʼ da doo. (2 Cor. 6:​14-17) Éí church bił nahazʼą́ą́góó doo bá nijilnish da doo. Electrician doodaiiʼ plumber jílı̨́įgoda éí bá nijilnishii éí kinígíí doo tʼáá aaníí oodląʼ bá siʼą́ągo doo ayóó bá binjilnish da doo. Tʼáá hó honaanish bijiyoolwołgoda éí church yinidoolnishii łaʼ wókeedgo doo biniyé bid ázhʼdoolíił da. Contract bił áʼdoolníił ndi dooda. Haʼátʼíí biniyé díí yéigo bee siidzı̨́į doo? Éí bindaanishii índa doo yáʼádaashxóonii baa  jookahígíí tʼáadoo bił ałtsʼą́ą́ʼ daʼniilkʼiizí doo, háálá Diyin éí chin daahąąh nízingo haa nitsíkees.—Isa. 52:11. *

18. Nihibrother éí haitʼéego Diyin Bizaad bikʼehgo oodáałii beʼjiilaa?

¹⁸ Nihibrother elder nilı̨́įgo tʼáá bí binaanish yiyoołwołgo éí contractor léiʼ church łaʼ bindíílnish bidííniid. Éí church yinidoolnishii chʼééh hainitá. Áádóó bił bééhózingo nihibrother éí church naaznilgóó doo yinaalnish da. Nihibrother éí Diyin Bizaad bikʼehgo oodáałii yaa nitsézkéezgo áádóó tʼáadoo yee łą́ asłı̨́įʼ da. Ńtʼééʼ damóo azlı̨́įʼgo aseezı̨́ binaaltsoos biiʼdę́ę́ʼ hastiin léiʼ éí church bikáaʼdi cross dah yitʼįįhgo eelkid lá. Nihibrother éí díí naanish yee lą́ asłı̨́įʼgo kótʼéego áhoʼdoolkid doo ńtʼééʼ. Habrothers dóó hasisters bíniʼ bee jiiłʼaʼ, áádóó Jiihóvah ałdóʼ haitʼéego hąąh tsídeezkéez doo ńtʼééʼ.

19-20. (a) Haʼátʼíí bídahwiilʼą́ą́ʼ? (b) Haʼátʼíí baa ínáádahwiidiilʼááł?

¹⁹ Diyin Bizaad áníigo éí “hashtʼehodítʼée yeeʼ áádóó yáʼádahootʼééh” haʼníi dooleełgo bichʼįʼ hoolzhish. Áko Jiihóvah díí yee nanihinitingo bichʼįʼ baa ahééh daniidzin. Nihił béédahózingo bílaʼashdlaʼii binaatʼáanii éí tʼáá aaníí hashtʼehodítʼéego doo ádahozhdoolíił da. Díí kódahaʼní áádóó akʼihwiidooleełgo tʼah doo áhánééhgóó éí kʼad haʼátʼíí ádeiʼníił doo? Jiihóvah éí biNahatʼaʼ baa dahwiilneʼ áádóó ídahoołʼaahii ádeelneʼ doo nihóʼní. Áádóó tʼáá bił éí doo tʼáá aaníí oodląʼ dah yikahígíí bitsʼá diidááł. Éí naaltsoos bichʼįʼ ádiilníiłgo bitsʼá nishááh bidiʼníi doo, áádóó doo bá neiilnish da doo.

²⁰ Díí “nihoogháahjįʼ yoołkáłígíí” bikééʼdóó ałdóʼ łahgo ádahooníił doo. Áko Jiihóvah éí łahgóó ałdóʼ ádeiʼníił doo nihóʼní. Éísh éí haʼátʼíí? Áádóó éidí haitʼéego biniyé hashtʼeʼádadiilnéeh doo? Éí díí bikééʼdóó baa ínáádahwiidiilʼááł.