Alongo amathandiza kwambiri pa ntchito za Ufumu. (Sl 68:11) Amachititsa maphunziro a Baibulo ambiri ndiponso apainiya okhazikika ambiri ndi alongo. Alongo akhama masauzande ambiri akutumikira pa Beteli, akuchita umishonale, akuchita utumiki wa zomangamanga wongodzipereka kapena wanthawi zonse komanso akugwira ntchito yomasulira. Alongo olimba mwauzimu amalimbitsa mabanja awo komanso mipingo yawo. (Miy 14:1) Ngakhale kuti alongo sangatumikire monga akulu kapena atumiki othandiza, komabe akhoza kukhala ndi zolinga mumpingo. Ngati ndinu mlongo, kodi mungatani kuti muzichita zambiri potumikira Yehova?

• Muzikhala ndi makhalidwe abwino.—1Ti 3:11; 1Pe 3:3-6

• Muzithandiza alongo amumpingo mwanu omwe sadziwa zambiri.​—Tit 2:3-5

• Muziyesetsa kuchita zambiri komanso kuthera nthawi yambiri mu utumiki

• Mungaphunzire chinenero china

• Mungasamukire kumene kukufunika olalikira ufumu ambiri

• Mungafunsire utumiki wa pa Beteli kapena utumiki wa zomangamanga

• Mungafunsire Sukulu ya Akhristu Olalikira za Ufumu

ONERANI VIDIYO YAKUTI “AKAZI OGWIRA NTCHITO MWAKHAMA POTUMIKIRA AMBUYE,” NDIPO KENAKO YANKHANI FUNSO LOTSATIRALI:

• Kodi zomwe mlongo aliyense wafotokoza zakulimbikitsani bwanji?