KODI ZINANGOCHITIKA ZOKHA?
Magiya a Kachilombo Kofanana ndi Nyenje
KWA nthawi yaitali, anthu ankaganiza kuti magiya amangopezeka m’makina basi. Koma zimenezi si zoona. Tikutero chifukwa chakuti tizilombo tinatake tomwe timapezekapezeka ku Europe timakhalanso ndi magiya. *
Kachilomboka kakakhala kakang’ono kakhoza kulumpha maulendo ambirimbiri n’kuyenda mtunda wa mamita pafupifupi 4 pa sekondi imodzi yokha. Choncho munthu akangophethira kamodzi, kachilomboka kakhoza kulumpha mtunda wautali n’kusowa. Koma kuti kachite zimenezi, miyendo yake iwiri yakumbuyo iyenera kulumpha ndi mphamvu zofanana pa nthawi yofanana. Kodi n’chiyani chimakathandiza kuchita zimenezi?
Taganizirani izi: Asayansi apeza kuti miyendo yakumbuyo ya kachilomboka ili ndi magiya amene amalowana. Ndiyeno kakalumpha, magiyawo amathandiza kuti miyendoyo iziyenda mofanana. Koma popanda magiyawo, ndiye kuti kachilomboka kakalumpha kakhoza kumangozungulirazungulira.
Kachilomboka kakakhala kakang’ono kamafunika magiyawo chifukwa chakuti minyewa yake imakhala isanayambe kugwira ntchito bwinobwino. Koma kakakula minyewa yake ndi imene imathandiza kuti miyendo izichita zinthu zofanana kakamalumpha. Wasayansi wina dzina lake Gregory Sutton ananena kuti: ‘Tinkaganiza kuti magiya amapezeka m’makina opangidwa ndi anthu basi. Koma vuto ndi lakuti tinali tisanafufuze bwinobwino m’chilengedwe.’
Kodi inuyo mukuganiza bwanji? Kodi zinangochitika zokha kuti tizilomboti tizikhala ndi magiya kapena pali winawake amene anatilenga?
^ ndime 3 Tizilomboti tikakula magiyawo amathothoka.
Mwina Mungakondenso Kudziwa Izi
MABUKU
Kodi Zamoyo Zinachita Kulengedwa?
Zimene mumakhulupirira pa nkhani ya mmene moyo unayambira zimakhudza moyo wanu.
MABUKU
Mmene Moyo Unayambira—Mafunso 5 Ofunika Kwambiri
Onani zimene umboni umanena kenako musankhe nokha kukhulupirira kuti zinthu zinachita kulengedwa kapena zinakhalako zokha.
GALAMUKANI!
Zigoba za Nkhono Zam’madzi
Zigobazi zimakhala zolimba kwambiri moti zimatha kuteteza nkhono zomwe zili mkati mwake.
GALAMUKANI!
Tizipatso Tokongola Kwambiri ta Buluu
Tizipatso ta Pollia tilibe madzi alionse a buluu mkati mwake, koma timaoneka ta buluu wowala kwambiri ndipo palibenso zomera zina zomwe zimaoneka choncho. Kodi n’chiyani chimachititsa kuti tizipatsoti tizioneka motere?
GALAMUKANI!
Ubweya wa Katumbu
Nyama zambiri zam’madzi zimakhala ndi mafuta ambiri pansi pa khungu lake, omwe amathandiza kuti zizimva kutentha. Koma katumbu ali ndi ubweya wambiri womwe umamuthandiza kuti azimva kutentha.
GALAMUKANI!
Njuchi Zimatera Mochititsa Chidwi
Kodi kudziwa zimene njuchi imachita ikamatera kungathandize bwanji popanga maloboti otha kuwaulutsa ndi kumawawongolera? Kodi akatswiri opanga maloboti otha kuuluka angaphunzire chiyani poona zimene njuchi imachita ikamatera?
