Kodi Mungafufuze Bwanji?
“Zinthu za m’chilengedwe zinangokhalapo zokha.”—Anatero akatswiri a sayansi Stephen Hawking ndi Leonard Mlodinow, mu 2010.
“Mulungu analenga kumwamba ndi dziko lapansi.”—Limatero Baibulo pa Genesis 1:1.
Kodi chilengedwechi komanso zamoyo, zinachita kulengedwa ndi Mulungu kapena zinangokhalapo zokha? Mawu ali pamwambawa a akatswiri awiri asayansi komanso mawu oyambirira a m’Baibulo, akusonyeza kuti funsoli lili ndi mayankho awiri osiyana kwambiri. Yankho lililonse lili ndi anthu amene amaliikira kumbuyo. Ngakhale zili choncho, anthu ambiri sadziwa zimene ayenera kukhulupirira. Anthu akhala akupereka maganizo osiyanasiyana kudzera m’mabuku otchuka komanso mitsutso.
N’kutheka kuti aphunzitsi anu anakutsimikizirani kuti zinthu zonse m’chilengedwechi, zinangokhalapo zokha ndipo sizinachite kulengedwa. Koma kodi aphunzitsi anuwo anaperekadi umboni wosonyeza kuti kulibe Mlengi? Komanso n’kutheka kuti munamvapo atsogoleri a chipembedzo akunena kuti kuli Mlengi, koma kodi anakupatsani umboni wa zimene ankanenazo? Kapena anangokuuzani kuti muzikhulupirira chifukwa chakuti ndi zimene amaphunzitsa?
N’zosakayikitsa kuti munadzifunsapo funso limeneli ndipo mwina mumaona kuti palibe amene anganene motsimikiza kuti kuli Mlengi. N’kutheka kuti mumakhalanso ndi funso lina lakuti: Kodi kupeza yankho lake n’kofunikiradi?
Magazini ya Galamukani! ino, ifotokoza zimene zachititsa anthu ambiri kukhulupirira kuti kuli Mlengi. Ifotokozanso chifukwa chake n’zofunika kudziwa yankho la funso lakuti, kodi moyo unayamba bwanji padziko lapansili?
Mwina Mungakondenso Kudziwa Izi
Mfundo Zofunika za M'Baibulo—Mavidiyo
Kodi Zinthu Zakumwamba ndi Padziko Lapansi Zinachita Kulengedwa?
Anthu ambiri samvetsa bwinobwino zimene Baibulo limanena zokhudza chilengedwe kapenanso amaganiza kuti ndi zongopeka. Kodi zimene Baibulo limanena zokhudza mmene chilengedwe chinayambira ndi zomveka?
NKHANI ZINA
Kodi Moyo Unayamba Bwanji?
Zoona zake n’zakuti pali anthu ambiri ophunzira kuphatikizapo asayansi ena omwe amakayikira zoti zamoyo zinachita kusintha kuchokera ku zinthu zina.
KUYANKHA MAFUNSO A M’BAIBULO
Kodi Mulungu Anasintha Zamoyo Zina Polenga Mitundu Inanso ya Zamoyo?
Baibulo silitsutsa zimene asayansi amanena zoti mitundu ya zamoyo imatulutsanso zamoyo zina zofanana ndi zamtundu womwewo.
ZIMENE ACHINYAMATA AMAFUNSA
Kodi Zinthu Zinachita Kulengedwa?—Gawo 1: N’chifukwa Chiyani Ndimakhulupirira Kuti Kuli Mulungu?
Kodi mungakonde kuti muzifotokozera ena molimba mtima zimene mumakhulupirira zoti kuli Mulungu? Werengani nkhaniyi kuti mupeze mfundo zimene zingakuthandizeni kuyankha ngati munthu wina wakufunsani zimene mumakhulupirira.
KUFOTOKOZA MAVESI A M’BAIBULO
Kufotokoza Genesis 1:1—“Pa chiyambi, Mulungu analenga kumwamba ndi dziko lapansi”
Kodi mawu oyamba a m’Baibulowa amanena mfundo ziwiri ziti zomwe ndi zoona komanso zofunika?
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
