“Ufumu Wanu Udze”—Pemphelo Limene Anthu Ambili Amapeleka
Kodi munapemphelapo kuti Ufumu wa Mulungu ubwele? Kwa zaka mahandiledi ambili, anthu oculuka amachula mawu akuti “Ufumu wanu udze.” N’cifukwa ciani amapemphela mwanjila imeneyi? N’cifukwa cakuti Yesu anauza otsatila ake kupemphela kuti Ufumu wa Mulungu ubwele.
Poyamba, otsatila a Yesu sanamvetse zonse zimene iye anakamba zokhudza Ufumu. Panthawi ina iwo anamufunsa kuti: “Ambuye, kodi mubwezeletsa ufumu kwa Isiraeli pa nthawi ino?” Koma Yesu sanaŵauze mwacindunji pamene Ufumu wa Mulungu udzabwela. Ndipo izi ziyenela kuti zinawadabwitsa. (Machitidwe 1:6, 7) Kodi zimenezi zitanthauza kuti sitingadziŵe kuti Ufumu wa Mulungu n’ciani, komanso kuti udzabwela liti? Iyai!
Magazini ino ya Nsanja ya Mlonda ikuthandizani kupeza mayankho pa mafunso aya:
N’cifukwa ciani tifunikila Ufumu wa Mulungu?
Kodi Mfumu ya Ufumu wa Mulungu ndani?
Nanga Ufumu wa Mulungu udzayamba liti kulamulila dziko lapansi?
Kodi Ufumu wa Mulungu udzacita zotani?
N’cifukwa ciani tiyenela kucilikiza Ufumu wa Mulungu palipano?
Kodi Ufumu wa Mulungu N’ciani?
Mungakondenso Izi
ZIPHUNZITSO ZOFUNIKA ZA M'BAIBO
Kodi Ufumu wa Mulungu N’ciani?
Pa utumiki wake wonse, Yesu anaphunzitsa kwambili za Ufumu wa Mulungu kuposa nkhani ina iliyonse. Otsatila ake akhala akupemphela kuti Ufumuwo ubwele kwa zaka zambili.
