Anthu amakhumudwa ngati anthu omwe amawakhulupilila awagwilitsa mwala. Ambili analeka kukhulupilila . . .

•   atsogoleli andale amene amaika zofuna zawo patsogolo m’malo mwa zofunikila za anthu amene akuwatsogolela.

•   mabungwe ofalitsa nkhani amene amalephela kufalitsa nkhani mwacilungamo komanso molondola.

•   asayansi amene amacita zinthu zopindulila iwo m’malo mwa zopindulitsa anthu ambili.

•   atsogoleli azipembedzo amene amatengako mbali kwambili m’zandale m’malo moimilako Mulungu.

 M’pomveka kuti anthu amakhala osamala poona anthu amene angakhulupilile. Baibulo limacenjeza kuti:

•   “Musamakhulupilila zinduna, kapena mwana wa munthu, amene mulibe cipulumutso mwa iye.”—Salimo 146:3, Buku Lopatulika.

  Baibulo limakamba za munthu amene mungakhulupilile, munthuyo ndi Yesu Khristu. Sanali cabe munthu wabwino amene anakhalako zaka zambili kumbuyoku. Mulungu anasankha Yesu kuti ‘adzalamulile monga Mfumu . . . , ndipo Ufumu wake sudzatha.’ (Luka 1:32, 33) Yesu ndi Mfumu ya Ufumu wa Mulungu, boma limene palipano likulamulila kucokela kumwamba.—Mateyo 6:10.

•   Kuti mudziwe cifukwa cake mungamudalile Yesu, welengani nkhani yakuti “Kodi Mfumu ya Ufumu wa Mulungu Ndani?” ndi yakuti “Kodi Ufumu wa Mulungu Udzacita Zotani?”