Nyimbo 10
“Ine Ndilipo! Nditumizeni”
(Yesaya 6:8)
1. Lero anthu akunyoza
Dzina labwino la M’lungu.
Ena am’yesa wankhanza,
Nati: “Kulibe Mulungu.”
Ndani adzaliyeretsa
Dzina la Mulungu wathu?
“Ndilipo nditumizeni.
Ndidzaimbira nokhanu
(KOLASI)
Sindingachitirenso mwina.
Nditumizeni Mbuye.”
2. Anthu akutonza M’lungu
Ndikumati ndi wochedwa.
N’kumalambira mafano
Ena eti Kaisara.
Ndani adzawachenjeza
Za nkhondo yomalizayo?
“Ndilipo nditumizeni.
Ndidzachenjeza oipa.
(KOLASI)
Sindingachitirenso mwina.
Nditumizeni Mbuye.”
3. Anthu ofatsa ’kulira,
Zoipa zikuchuluka.
Iwo akufunafuna
Choonadi chomasula.
Ndani adzawatonthoza?
Ndani adzawathandiza?
“Ndilipo, nditumizeni.
Ndidzaphunzitsa ofatsa.
(KOLASI)
Sindingachitirenso mwina.
Nditumizeni Mbuye.”
(Onaninso Sal. 10:4; Ezek. 9:4.)
