Enshohoza y’amahe omu nsi yoona ekahika obutabarwa 2.24 omu sente za doora ez’America omu 2022, na munonga ahabw’okwirukangirira omu rutaro rwa Russia na Ukraine. Kurugiirira ahari ripoota eyaashohoziibwe eitendekyero rya Stockholm International Peace Research Institute (SIPRI) omuri Apuri 2023, omu mwaka gwa 2022:

•   Enshohoza y’amahe ga Europe “ekatemba ebicweka 13 ahari igana omu mwaka gumwe, eyaabaire enshohoza erikukirayo omu mahe ga Europe kuruga obw’orutaro rwa 1991.”

•   “Russia ekongyera aha nshohoza yaayo ebicweka nka 9.2 ahari igana, yaaruga omu mwanya gwa kataano yaaza omu gwa kashatu ogw’okushohoza munonga omu nsi yoona.”

•   United States niyo yaagumire neekizayo kushohoreza aha mahe, “ahabw’okushohoza ebicweka 39 ahari igana eby’enshohoza y’amahe goona omu nsi yoona.”

 “Okweyongyera kw’enshohoza y’amahe omu nsi yoona omu myaka egi, n’akamanyiso ngu turi omu nsi erikwongyera kutabamu burinzi.” Bikagambwa Dr. Nan Tian, omwe aha baahandiikire ripoota ya SIPRI.

 Baibuli ekagamba kare aha kweyongyera kw’okurwanagana kw’amahanga kirimaani okuriho hati, kandi neeyoreka n’amatsiko gonka ag’okureetaho obusingye.

•   Obwire obu turimu Baibuli neebweta ‘obunaku bw’emperu.’—Danieli 8:19.

•   Ekitabo kya Danieli kikagira ngu omu bwire obwo, hakaba nihaija kuba hari amahanga kirimaani agarikuhayahayana. Amahanga gakaba nigaija kuba nigeejumba omu “kutsindikana,” nari okurwana kworeka orikukiza amaani. Okurwana oku kukaba nikwija kutwariramu okushohoza “eby’obuguzi bwingi,” nari esente nyamwingi.—Danieli 11:40, 42, 43.

Okwongyera kwega aha bunabi bwa Baibuli obu oburikutangaaza, reeba vidiyo  Obunabi Obuhikiriziibwe—Danieli Eshuura 11.

•   Baibuli neegira ngu Ruhanga naija kuta gavumenti ye omu mwanya gwa gavumenti z’abantu. ‘Naija kutaho obundi bugabe, obutarikwija kucwekyerezibwa ebiro byona, kandi obutegyeki bwabwo tiburikwija kuhungurwa rindi ihanga, kureka nibwija kwatagura obwo bugabe bwona bubumareho, kandi bwo nibwija kugumaho’ ebiro byona.—Danieli 2:44.

•   Yehova a Ruhanga juba naija kukora eki abantu batarikubaasa kukora, okureetaho obusingye obwabuzima kandi obw’obutwire. Ota shi? Obukama bwe obw’omu iguru nibwija kwihaho eby’okurwanisa byona, bumareho n’obushaarizi bwona.—Zaaburi 46:8, 9.

 Okwongyera kwega eki Obukama bwa Ruhanga buraakore, shoma ekicweka “

Under God’s Kingdom ‘Peace Will Abound.’”