GUMA NOOREEBA!
Baibuli Neegamba ki aha Kuramya Ebishushani?
Kurugiirira aha barikukwata amakuru g’Abanyakaturiki, aha mukoro ogwabaire ahari Kereziya ya St. Peter’s Basilica ogwabaireho Okwakashatu 25, 2022, Paapa Francis akeemerera omu maisho g’ekibumbe kya Mariamu “yaahumiza yainika omutwe gwe reero yaashaba ahunami.” Akaba “naayeshengyereza Mariamu” ngu habeho obusingye. Amakuru ga Vatican gakongyeraho ngu “Paapa akashaba omugisha gw’okubaho obuntu, na munonga omuri Russia na Ukraine, arikushaba Mariamu Orikwera.”
Iwe nooteekateeka ki? Mbwenu shi kihikire kushabira omu maisho g’ebishushani nari kubikoresa omu kuramya? Teekateeka aha Byahandiikirwe ebi:
“Otaryekorera ekishushani kyona ekibaizire, n’obu kyakuba ekishushani ky’ekintu kyona ekiri ahaiguru omu iguru, nari ekiri omu nsi ahansi, nari ekiri omu maizi okuzimu. Otaribiinamira, kandi otaribiheereza, ahakuba nyowe [Yehova] Ruhanga waawe ndi Ruhanga ow’eihato [nari orikwenda kuramibwa wenka].”—Okuruga 20:4, 5. a
‘Ebishushani ebi barikuramya n’efeeza n’ezaabu, ebikozirwe emikono y’abantu. Biine eminwa, kwonka tibirikugamba, biine amaisho, tibirikureeba. Biine amatu, tibikuhurira, biine enyindo, tibirikukaga. Biine engaro, tibirikukwata, biine ebigyere, tibirikugyenda, kandi tibirikugambisa emimiro yaabyo. Abarikubikora, nibabishusha, kandi n’omuntu weena orikubyesiga nikwo ari.’—Zaaburi 115:4-8.
“Ndi [Yehova], eryo niryo eiziina ryangye, ekitiinisa kyangye tindikiha ondiijo, n’obu kwakuba okuha ebishushani ebibaizirwe okuhimbisibwa kwangye.”—Isaaya 42:8.
“Mwetantare okuramya ebishushani.”—1 Abakorinso 10:14.
“Mwerinde ebishushani ebirikuramibwa.”—1 Yohaana 5:21.
Okumanya ebirikukiraho aha ki Baibuli erikugamba aha kukoresa ebishushani omu kuramya, shoma ekicweka “The Bible’s Viewpoint—Images” nari reeba vidiyo Ruhanga shi Naikiriza Okukoresa Ebishushani omu Kuramya?
Noobaasa kuba nooyenda kumanya n’eki Baibuli erikugamba aha nshonga ezi:
““Eby’okutangaaza n’Okworekwa n’Obumanyiso Kuruga Ahari Ruhanga?””
Photo credit: Vincenzo Pinto/AFP via Getty Images
a Yehova n’eiziina rya Ruhanga. (Zaaburi 83:18) Reeba ekicweka “Yehova n’Oha?”
Noobaasa Kukunda n'Ebi
GUMA NOOREEBA!
Ediini n’Orutaro Omuri Ukraine—Baibuli Neegamba Ki?
Abeebembezi d’ediini ab’embaju zombi ezirikurwanagana nibakoresa obushoboorozi bwabo omu muringo ogurikutaana n’ebi Yesu yaayegyeise abakuratsi be kukora n’okutakora.
ENYEGYESA ZA BAIBULI
Gyezaho Omushomo Gwaitu gwa Baibuli
Yejumbe omu mushomo gw’okuhikaanisa ebiteekateeko ahari Baibuli oine orikukuhwera.
