Rufu n’omutaano gwa magara. Rufu ni nk’okugwejegyerera kimwe. (Yohaana 11:11-14) Abafu tibari kuhurira, kureeba, kugamba nari kuteekateeka ekintu kyoona. (Omubuurizi 9:5, 10) Ediini ey’ebishuba neyegyesa nga abafu nibahinduka emyoyo baza kutuura naba ishenkuru bo. Ekyo tikyo Baiburi eri kweegyesa.

Abaaherize kufa tibari kubaasa kutuyaamba, kandi tibari kubaasa kutusaasa. Abantu bamanyiriire okukora emigyenzo n’ebitambo ngu nibashemeza abafiire. Eki nikibiihiza Ruhanga ahabwokuba nikihamya kimwe aha bishuba bya Sitaani. N’abafu tikiri kubashemeza nk’oku bari kuba batakiine magara. Ti tushemereire kutiina nari kuramya abafu. Turamye Ruhanga wenka.—Matayo 4:10.

Abafu baryagaruka babeho. Yehova aryaimusya abafu babeho omu kibanja kya Ruhanga omu nsi. Obwiire obwo bukiri omu miasho. (Yohaana 5:28, 29; Ebyakozirwe 24:15) Ruhanga nabaasa kwimusya abo abaafiire nk’oku naiwe wakubaasa kusiimura omuntu omu turo.—Mako 5:22, 23, 41, 42.

Ekiteekateeko ngu tituri kufa n’ekishuba ekiri kujanjaazibwa Sitaani Omubeihi. Sitaani na ba daimoni be nibareetera abantu kuteekateeka ngu emyoyo y’abafiire ehurire kandi nereetera abantu endwaara, hamwe n’endijo mirabanamu. Sitaani naahabisa abantu obumwe kurabira omu birooto nari omu kubonekyerwa. Yehova nakyeena abo abari kugyezaho kugamba n’abafu.—Eky’Ebiragiro 18:10-12.