1. Abantu baine kusharaho bata aha birikukwata aha kuramya?

 YESU akagamba ati: “Ou tutakwatanise, n’omuzigu wangye.” (Matayo 12:30) Twiine kuba aharubaju rwa Yehova ninga orwa Sitaani. Abantu baingi nibateekateeka ngu nibahereza Ruhanga omu muringo ogu arikwenda, baitu Baibuli negira ngu Sitaani “naagobeza ensi yoona.” (Okushuuruurwa 12:9) Obukaikuru bw’abantu nibaikiriza ngu nibaramya Ruhanga kwonka omumazima agahikire nibaramya Sitaani Omuregi! Abantu hati beine okusharaho: Baheereze Yehova “Ruhanga ow’amazima” ninga Sitaani, “ishe w’ebishuba.”​—Zaaburi 31:5; Yohaana 8:44.

2. Ni muringo ki gumwe ogu Sitaani ari kugyezaho kuzibira abantu kuramya Yehova?

² Okusharaho kuheereza Yehova n’eky’amagyezi, ekirikwija kumureetera okukusiima. Kwonka Sitaani tarikushemererwa ahabw’omuntu weena ori kuheereza Ruhanga; Sitaani naabareetera okubonabonesibwa. Omuringo gumwe ogu ari kukora mu eki ni okurabira omubantu kubagaaniiza obwo oteireho na banywani baabo nab’omumaka gaabo. Yesu akarabura ngu; “Abazigu b’omuntu baryaba ab’omu ka ye.”​—Matayo 10:36.

3. Ab’omuka ninga banywani baawe bakuhiiganisa aha bw’okuramya Ruhanga, noija kukora ki?

³ Ekyo kyaheza kukubaho nokora ota? Abantu baingi nibamanya ngu omuringo gu barikuramyamu gugwiire, kwonka banga kugurugamu. Nibateekateeka ngu n’okuhemuka aha b’omuka. Ekyo kirimu amagyezi? Ab’omuka yaanyu baaba nibaretsa enjayi tokabarabura kugireka ahabw’okuba neza kubashisa  obwongo? Niiwe okaakwatanisa nabo otandika kuretsa?

4. Yoshua akagira ata Abaisraeli ebirikukwaata aha kuramya omu bwiire bwe?

⁴ Yoshua akagambira aba Israeli kurekyera aho ediini za baishenkuru bo. Akagira ati: “Nahabw’ekyo hati mutiine Yehova, mumuheereze omu mazima mutarikuryarya, kandi mwihireho kimwe baaruhanga abu baashwenkuriimwe baabaire nibaheereza seeri y’omugyera Furaati n’omu Misri; Muheereze Yehova.” (Yoshua 24:14) Yoshua akatsigara ari omwesigwa ahari Ruhanga. Yehova yamuha emigisha. Niitwe kuturaabe abeesigwa ahari Yehova naija kutuha emigisha.​—2 Samueli 22:26.

5. Aha bwaki tushemereire kweihaho ebintu byoona ebirikukozesibwa omu kubandwa?

⁵ Okuruga omu diini ey’ebishuba nikiba nikimanyisa ngu ebintu byoona ebitubaire nitukozesa nka engisha, empeta, emiringa n’ebindi nk’ebyo tubihwerekyereze. Eki nikikuru ahabw’okuba nikyoreka ngu hati nitwesigira kimwe Yehova.

6. Abakristaayo ababandize ebitabo byaabo eby’okuragura bakabigira bata?

⁶ Katureebe Abakristayo ababandize eki bakozire baheza kucwamu kuza omu diini ey’amazima. Baibuli negira eti: “Baingi ahari abo, abaabaire bakora eby’obufumu baateeranira hamwe ebitabo byabo eby’okuragura, baabyokyeza omu maisho g’abantu boona.”​—Ebyakozirwe 19:19.

7. Nitubaasa kukora ki baadaimoni baatuteganisa?

⁷ Abamwe abarikutandika kuheereza Yehova kandi baabeire bari kubandwa, okucecera ninga okuroga nibabaasa kuteganisibwa baadaimoni. Ekyo kyaheza kukubaho oyete Yehova na iraka rihango omukushaba nokozesa iziina rye. Naija kukuyamba.​—Enfumu 18:10; Yakobo 4:7.

8. Abakristaayo nibatwaaza bata ebishushani ebiri kukozesibwa omu kuramya okugwiire?

⁸ Abo abarikwenda kuheereza Yehova nibaragirwa kwetantara okukozesa ebishushani ebi abamwe barikuramya omudiini ey’ebishuba. Abakristaayo ab’amazima “nibagyenda ahabw’okwikiriza, ti habw’okureeba.” (2 Abakorinso 5:7) Nibaheereza ekitiinisa ekiragiro kya Ruhanga ekiri kuzibira okukozesa ebishushani omu kuramya.​—Okuruga 20:4, 5.

9. Baibuli netuhabura eta okugira amagyezi?

⁹ Baibuli negira eti: “Ogyenda n’abanyabwengye, nawe ahinduka omunyabwengye.” (Enfumu 13:20) Twaaba nitwenda kuba abanyabwengye tushemereire kugyenda ninga kweeterana hamwe n’Abajulizi ba Yehova. Nibo abantu abarikugyendera omuruguuto oruri kutwaara omu magara agatahwaho.​—Matayo 7:14.

10. Abajurizi ba Yehova nibakunyamba bata okuhereza Ruhanga?

¹⁰ Abajurizi buzimazima nibafayo aha bantu abandi. Omurimo gwaabo n’okuyamba abo abaine emitima egororokire kweetegyereza amazima agari omu Baibuli agari kutwaara omu magara agatahwaho. Nibabaasa kukuyamba okweega niiwe Baibuli otabashashwiire nibaija kukugarukamu ebibuuzo byawe n’okukworeka omuringo gu orikubaasa kukozesa amagyezi ga Baibuli omu magara gaawe.​—Yohaana 17:3.

11. Enteerane z’Ekikristaayo niziija kukuyamba zita?

¹¹ Omu nteerana zaabo, ezirikubaho aha kyombeko ekirikweetwa Kingdom Hall, noija kweega ebirikukiraho ebirikukwaata aha mihanda ya Yehova. Noija kutunga amaani omudiini ey’amazima. Noija kutunga okwegyesibwa omu muringo ogu orikubaasa kuyamba abandi kweega amazima ga Baibuli.​—Abaheburaayo 10:24, 25.

12. Okushaba nikukuyamba kuta kuheereza Ruhanga?

¹² Ku ori kugumizamu nooyega aha bigyendererwa bya Yehova noija kweyongyera ku mwebaza aha bwa emihanda ye eya rukundo. Oshemereire kuguma noyeyongera omukyetengo kyaawe okukora ekiri kumushemeza. Oijuke ngu nobaasa kwiirira haihi na Yehova omu kushaba akuyambe omu kukora ebi hikire kandi kwetantara ebigwiire.​—1 Abakorinso 6:9, 10; Abafilipi 4:6.

13. Nobaasa kushemeza ota omutima gwa Yehova?

 ¹³ Waguma noyeyongyera noija kukura omu by’omwoyo, noija kutunga ekyetengo ky’okwehayo, obatizibwe nka Omujurizi wa Yehova. Wa yeterana hamwe n’omushororongo gw’abantu ba Yehova noija kushemeza omutima gwa Yehova. (Enfumu 27:11) Noija kuba hamwe n’abantu abu Ruhanga arikugira ngu: “Ndyabatuuramu, mbagyendagyende mu; ndyaba Ruhanga waabo, Nabo babe abantu bangye.”​—2 Abakorinso 6:16.